حبيبي جيس الله يخليك لزوجتك ويخليها لك ويبارك لكما باموالكما اللهم امين
عطهم كشف حسابك ومالهم شغل با المبلغ....امورك طيبه ان شاءالله سواءا 5000 ريال او 50 الف ريال اهم شي حسابك عليه حركه معقوله
اتمنى لك سفره سعيده موفقه ان شاءالله

انا من السفاره الالمانيه ماطلبوا مني كشف حساب بس صورة
الفيزا اوالماستر كارد واللحين الجوازات عندي عليها تاشيره
متعدده لمدة 3 اشهر وانتهت التاشيره خلال 10 ايام

اخوي حدي مصر ..
الله يعطيك العافية .. ماقصرت والله ..
بس وش يعني حركة بالحساب ؟ يعني صرف و مبالغ مالية طالعة و قروض ههه ولا ايش يعني
kbaka
الله يبشرك بالخير .. لاني خفت يوم شفت كلام بعض الاخوان عن تأخير تاشيراتهم
انا ودي بالنمسا بس اذا سفارة المانيا اسهل ينفع اخذها منها ؟ حتى لو ما بروح المانيا ؟؟
و الف شكر للجميع

انا تو فيزتي طلعت على النمسا
ومنعا لأي استهبال منهم
ارسلت لهم تعريف براتبي وتعريف براتب زوجتي
وكشف حساب البنك الخاص فيني فقط
حجوزات التذاكر والفنادق مع تأمين صحي من التعاونية للتأمين
وارسلتهم عن طريق الفيفا وخلال اسبوعين وصلت الفيز بالضبط
ومثل ماقال أخونا أهم شي يشوفون حركة على الحساب من ايداع راتب وسحوبات
وعلى فكرة تراهم اذكيا بالسفارة
أعرف واحد كان يبي الفيزا بسرعة وراح جاب لهم حجوزات فنادق غالية مرة توصل الى 2000 ريال بالليلة
وراتبه مايتجاوز ال 5000 ريال وبيجلس أخينا بالله شهر طبعا هو الهدف حقه بس الفيزا
ورفضوها له
ويوم سأل قالوا له اللي بمكتب الخدمات كيف راتبك 5000 وبتجلس شهر الليلة بألفين
وباذن الله تراها سهلة وسريعة الفيزا توكل على الله وربنا يوفقك

عند إستخراج الفيزا طلبو من زوجي تعريف بالراتب من العمل فقط وما طلبو كشف حساب وأعطونا فيزا لمدة سنه من السفاره الفرنسيه

اكثر الناس يقولون سفارة المانيا معقده لكن انا اشوف انه اذا كانت اوراقك مكتمله
ماعندك اي مشكله
ملاحظه بالنسبه للسكن يطلبون فاكس او ايميل من نفس الفندق اللي في المانيا
لانهم مايقبلون حجز المكاتب
وهذي بسيطه سوى حجز عن طريق الانترنت وبعدين كلم الفندق يرسلون لك فاكس
بالحجز وحاول تكون اكثر حجوزاتك في المانيا
والشي الثاني مطلوب حضورك شخصيا اذا كان اول مره تفيز من السفاره الآلمانيه
طبعا بدون العائله وهذي فيها صعوبه شوي للي خارج الرياض مع العلم انه مو مطلوب
موعد مسبق بس اهم حاجه تجي بدري
طبعا غير الطلبات المعتاده من تعريف بالراتب مترجم انقليزي
تذاكر سفر او اوت برنت لحجز موكد الذهاب والعوده
تامين صحي

طيب اللي طالب حده مكافأة الكلية وش يسوي ؟
والمشكلة حتى الحساب اللي تنزل عليه المكافأة للسحب فقط ( يعني ما يمديني اودع والا احول ولا اعمل اي خدمة مصرفية ).
واش اسوي في هالحالة افيدوني ارجووكم ؟

كشف الحساب الغرض الاساسي منه هو ملاحظة اذا كان هناك اي تحويلات من او الى حسابك (تحويلات مشبوهه) لذلك يطلبون منك كشف لمدة لا تقل عن ثلاث شهور
يعني المسألة أمنيه بالدرجة الاولى... وهالسنه معقدين الشينقن لان المانيا هي الي المسئوله هالسنة.

ما يمنع أخي الكريم ترفق خطاب تعريف من عمل الزوجة
وكشف لحسابها وذلك لتدعيم طلبكم لدى السفارة و لتعزيز ثقتك في نفسك بأن أوراقكم لن ترفض بإذن الله .
سفراً سعيداً