السلام عليكم ورحمة الله وبركاته
الاخوان الاعزاء الرجاء الترحيب بي لانه وبصراحه انا من زمان عن المنتدى ولا اظن انه فيه احد يتذكرني ( والله يعينكم على الاسئله ).
انا يا اخوان كنت مقدم على بعثة العام الماضي 1426 واستلمت بس ضمان مالي ، ولظروف خاصه لم استطع استكمال الاجراءات الى بعد شهر رمضان ،يعني كانوا قفلوا تسليم الخطابات الموجهه للسفاره .
والحمد لله حصلت على قبول من جامعه وكنت حاجز موعد في السفاره و رحتلهم واصدروا لي فيزه بدون خطاب من وزارة التعليم العالي .
المشكله ان الوزاره ما قبلت الموضوع وقالوا انه لازم اني احصل على خطاب السفاره ، وفتحوا الاستقبال مره ثانيه ورفضوا نهم يستقبلون اوراقي بحجة انه ما اصدر لي خطاب للسفاره .
واخيرا قالوا لي انه مالك الى بعثه 1427 . وبصراحه ضحكوا علي لانه كانوا قايلين لي ان اوراقك جاهز وانه انت ما راح نتعامل زي كل الطلبات بس مثل ما شفتوا انه اخر نسبه استقبلوها تقريبا 93% ( مع العلم ان نسبتي 89% وبالقدرات 72 ) مع الاسف موافق للشروط .
طبعا انا ما فيه طريق الى حاولت فيه ومثل ما شفتوا ضاعت علي سنه كامله . فلقيت انه ما فيه حل الى اني اطلع على حسابي و اذا مشت اوراقي هنا انضم للبعثه ان شاء الله من هاناك بطريقه او اخرى .
اسف على المقدمه الطويله بس حبيت اعطيكم فكره عن الموضوع وانه هذا الحل الوحيد امامي ..
انا الان عندي قبول مشروط طبعا على الضمان المالي الي من الوزاره كيف اقدر اني احوله على حسابي ؟؟
السفاره نفس الشي معبي الفورم وكاتب فيه ان الي يبي يدعم بعثتي وزارة التعليم العالي مثل كل الناس ، هل يحتاج اني اغير شي من عندهم ؟؟
ما هي الطرق الي اقدر فيها ني انضم للبعثه من امريكا ان شاء الله
واذا كان فيه اي اجراءات زياده ياليت انكم تفيدوني فيها
مره ثانيه انا اسف على الاطاله بس فعلا مالقيت احد يفيدني بالموضوع .
وشكرا ...