بالنسبة لTAX FREE اي مبلغ مقبول بس هذا يعتمد عليك أنت لأنه بعض الناس يكون المبلغ قليل فما يبي يتعب حاله على جم يورو لأن العمليه لازم تأخذ البضاعة اللي مشتريها معاه حق الجمارك قبل شحن الأمتعة وبعدين تروح تصرف المبلغ.
بس الصراحة أفضل مطار شفته للTAX FREE هو مطار ميونيخ لأنه الطريق المتبعة وايدد مريحة وسهله ..
أول شي حط أهم الحاجات والبضاعة اللي عندك TAX FREE في حقيبة بروحها
روح أعمل CHECK IN وأخذ البوردينغ كارد والحقيبة اللي راح تشحنها اللي فيها البضاعة مع LABEL الخاص فيها وروح حق مكتب الجمارك قبل الدخول لختم الجوازات وأهناك راح يطابقون البضاعة مع أوراق Tax Free وغالبا ماراح يطابقون خاصة للخليجين وانا منهم ومن عندهم تحط الحقيبة في السير اللي يروح حق الطائرة الخاصة فيك
وسلامتك أن شاء الله أكون أفدتكم

السلام عليكم
اسمع حبيبي توني راد من ميونيخ وبقولك شتسوي بالضبط
اولا العمليه سهله جدا
تروح للكونتر علشان يوزنون الجنط ويعطونك البوردينغ كارد وتقولهم عندي تاكس فري
طبعا انت لازم تكون حاط كل الاغراض اللي شريتها بجنطه وحده او جنطتين وتكون عارفهم
لانه اذا وزنوا الجنط كلهم بيطلعون الجنطه اللي انت قلت ان فيها الاغراض مالت التاكس فري
ويقولون لك روح ودها للمكان الفلاني قريب من الكونتر وهناك ياخذون منك الفواتير يدققون عليها وبعدين ياخذون الجنطه ويدخلونها من عندهم وتروح الجنطه للطياره عادي ويعطونك ورقه
تاخذالورقه وتروح لشباك قريب تعطيهم الفواتير يحسبونها ويعطونك المبلغ المسترد
عمليه سهله جدا يمكن ماتعتقد انها سهله من كلامي بس اذا رحت للمطار بتفهم كلامي عدل
وسلامتك