- السلام عليكم ورحمه الله وبركاته...
السلام عليكم ورحمه الله وبركاته...
انا رحت ميونخ 29/7/2009 وسكنت في هوليداي ان من تاريخ 29/6/2009 الى تاريخ 11/7/2009 وعلى أخر الايام انسرق من ربيعي داخل الغرفه من شنطته 3500 يورو + 5000 درهم + بطاقة الجامعه + بطاقه البنك يعني سرقه محترمه...
وكلمنا الفندق وزقرنا المدير مافي فايده قال اشرحولي الوضع وكان المدير مش متعاون المهم انقهرنا قلنا مافي حل غير الشرطه وقنصليه الامارات الموجوده في ميونخ والمهم كلمنا الشرطه وخذوا اقوالنا واقوال مدير الفندق... ومدير الفندق عكس كلامنا عند الشرطه بس الحمدالله نحن نعرف اصدقاء عراقيين مقيمين فميونخ كل سنه يكونون معانا ويساعدونا في كل شي وناس محترمين الله يذكرهم بالخير واتصلنا فيهم ويو واتكلموا للشرطه وقالولهم كل شي والشرطه قالت خلال 3 ايام بنردلكم خبر والقنصليه على رأسهم القنصل محمد عتيج الرميثي ماقصروا معانا قالولنا نحن بنتواصل مع الشرطه...
بعد 3 ايام الشرطه لقت البوك مع الفلوس والبطايق في شنطة اللي ينظف فالفندق نفسه وقالولنا الشرطه بنطرش الفلوس ونحن فالبلاد عن طريق السفاره لانها لازم تاخذ اجرائات في المركز الرئيسي اللي فالعاصمه برلين.... معناته اتحملوا من فندق هوليداي ان ولاتحجزون فيه نصيحه.....
وثاني شي رحنا نسكن عند الخليج للشقق الفندقيه عند توانسه ((محمد ونجيب)) ندمت على اليوم اللي وقعنا فيها على ورقه الايجار وهاي الشقه فيها 4 غرف وحمامين وصاله من تاريخ 11/7/2009 لين 17/7/2009 لمده 6 ليالي ب3500 يورو الغرف عاديه وقالنا بييبلكم مكيفات وماياب مع انه بعض الايام كانت ميوونخ حاره وخاصتن الظهر وقال بييبلكم غساله ومايااب وقال بييبلكم خدامه اتنظف كل يوم وماياب وتحت الشقه الله يعزكم اكبر ديسكو في ميونخ ((يعني كلنا مانرقد الليل)) وماي الشقه بارد مافي سخاان واول مايينا لمحمد ونجيب كانوا اطيب الناس ويوم بنظهر من الشقه معصبين وليش ماتاخذون اسبوع زياده قلناله كل هذا وتبانا نقعد.. وقالنا بأسلوب غير محترم انا لو الشقه ب1000 يورو مااجرتها لكم..
بس نحن سويناله طاف لكن جوفوا شو صار خذنا الاغراض كلها ونسينا 5 جاكيتات كلهن ماركات ونسينا مال سيارة الايجار الكفر اللي يكون موجود خلف السياره ويوم رجعنا عليه قال انا خليت كل الاغراض فالزباله اتخيلوا... يعني مانصحكم تاخذون شقق عند مكتب الخليج للشقق الفندقيه نصيحه...
وثالث شي على اخر الايام ارتحنا شويه من هالبلاوي اللي صارت وسكنا في فندق ميركور من تاريخ 17/7/2009 لين 22/7/2009 5 ليالي بس الصراحه الفندق راقي وكان تعاملهم محترم الا انه يفقد بعض خاصيات الفنادق اذا عندك مشكله فالليل فالغرفه يقولون لك محد موظف شغال فليل بس الصراحه فندق راقي ومحترم واخر يوم في رحلتيه ههه اتاخرت على الجيك اوت لين الساعه 5 و قالولي لازم تدفع 90 يورو ودفعت لانه هذا نظام كل الفنادق فالعالم والصراحه فندق روعه.....
على وضع 3500 يورو مع 5000 درهم داخل الفندق !!!!
معليش بس هذا الكلام كان زمان الان فيه بنوك وكريديت كارد والكلام هذا واتوقع السائح
ايا ً كان ماراح يشيل لو نصف هذا المبلغ معاه !!
وايضا هناك تساؤل عندما كان هذا المبلغ في الفندق هل كان داخل صندوق أمانات ؟؟؟؟
اذا كان داخل صندوق امانات فهنا يكون علامات استفهام على ادارة الفندق @
بالنسبة لي سكنت في هوليدي ان برلين ماكان هذا الكلالام موجود بالعكس حتى الاشبياء البسيطه
كانت مكانها ولم يتغير شي والخدمه مميزه
بس انا لست ضدك بالعكس مصدقك في الكلام هذا ولكن مستغرب وضع النقود بهذا الشكل
واللي أثارني اكثر بالصراحة نسيانكم لأغراضكم !! يعني بالله احد ينسى اغراض بهذا الكم !
جاكيتات وكفر سيارة ومدري ايش !
اعذرني اخوي وانا بقدر ماأشكرك على تحذير زوار المسافرون العرب لكني استغربت من هذا الوضع
تقبلني بود اخوك ابو شلهوب