أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ممنوع دخول السيارات بين الاهرامات ياعزيزي . .
وعندك حلول أخرى ( ركوب الخيل أو ركوب الحنطور .. . .وطبعا لازم تتنفق معاهم على لفه شامله للاهرامات الثلاث وابو الهوول وتتفق على السعر والزمن .) . .
( مافيه سيارات سياح تتمشى داخل الهرم . . مجرد توصيل لباب الاهرامات فقط )
خذ الكلام من مقيم في القاهره . .
يعطيكم الف عافية جميعا..
حمد_الكويت
اخوي حمد بصراحة تحيرت ناس تقول عادي وانت مقيم في القاهرة تقول مو عادي انا ما احب بتوع الحناطير لانهم نصابين ورغي ع الفاضي ..ابي ادخل براحتي واطلع براحتي لان معي المدام وما احب القروشة والازعاج.
ياجامعة الخير رحت انا وخويي لم الاهرامات قلنا نبي نركب خيول وندور على الاهرامات وصلنا السواق عند مكاتب تأجير الخيول وقالنا السعر لشخص الواحد 700 جنية شامل التذاكر والتصوير يعني الثنين ب 1400 جنية قال خويي غالي زعل علينا صاحب المكتب قال مايصحش دا رخيص خد في بالك ان السعر شامل التذاكر وشامل التصوير وماني عارف ايش وخد في بالك ان التصوير جو الاهرامات ممنوع وحيصدرو منك الجوال والكاميره المهم قلت لبو ثامر خلنا نطلع بس وركبنا مع السواق وقلت له نبي البوابه الخاصه بالاهرامات وقالنا السواق من زمان عنها قلت اقول تبي العموله حقتك من صاحب المكتب تراانا ماحنا ماخذين من عنده شي امش بس ودنا عن البوابه قام ودنا لبواابة ابو الهول وفجاءه شفنا الاخ صاحب المكتب لاحقنا بحصانه قال ماتزعلوش خدوه باللي انتو عاوزين قلنا خلاص مانبي ماطول عليكم خليت السواق يدور على سور الاهرامات لين حصلنا مكان الدخول وبعد كذا شفنا بعض الافلام من بعض الاشخاص اللي عند البواابه اللي يقول ممنوع الدخول علشان ندفع لهم بخااشيش سألناهم قلنا انتم مسؤلين هنا ولا موظفين ولا عسكر قالو لا بس كذا علشان البخشيش قلت لسوااق اقول امش وان وقفت رحنا وخليناك دخلنا البوابات كلها لين وصلنا بسيارتنا عند كشك التذاكر بعد كذا قال التذكره لشخص الواحد 2 جنية قلت حنا معنتا سياره قال خلاص يعني تحسب عليكم ثلاث اشخاص يطلع عليكم 6 جنية قلت هذا الكلام الحلو بس كان شبابك التذاكر زحمه من الأوربيين الحاصل اعطينا واحد بخشيش وقام جابنا لنا التذاكر من دون الزحمه ودرنا على الاهرمات بسياررة السواق وقلت له وقف ابي انزل لأن الاهرمات قريبه مره مشينا وصورنا ولا احد قالنا ممنوع ولا شي والعالم كلها تصور الشرطه موجودين ولا قالو لنا شي ولا ممنوع ولا شي وبعدها ركبت السيار ه ورحنا لبو الهول وقابلنا واحد قال تعالو اشرح لكم قلت هات من الاخر تبي فلوس علشان الشرح ولا لا قال اللي انت تدفعه قلت بس ابي اعرف لأني زعلان على واحد يقولنا 1400جنيه انت كم تبي ولا خلنا نروح من دون شرح قال ماتزعلووش واعطينااه المقسوم لذلك جرى التنبيه مايصر من 1400جنيه الى 6 جنيه والله حرام فيه ناس مساكين اشوفهم راكبين وموافقين على هالشي مايدروون علماً بأن الشرطه السياحه تشدد على اصحاب الخيول وتضايقهم علشان ماايدخلون عند الاهرامات يعني يمكن تدفع المباالغ هذا وفي الاخير ماراح تدخل عند الاهرامات والله يوفقك
taxi cairo
كلامك نحترمه ومقدرينه على اساس انك مقيم
لكن يقول المثل ( اسأل مجرب ولا تسأل طيب )
خذ العلم من سائح مجرب
وجرب بنفسك اذا وصلت هناك ان شاء الله
رح وسأل
والله دخلنا شخصين مع سواق التكسي الابيض ب 6 جنيه فقط
لواء متقاعد جزاك الله خير ممكن توصف البوابة التي دخلت معها سيارتكم لها شكل او لون او علامة بارزة حاول تتذكر جزاك الله خير . وحاول توصف طريقة دخول السيارة ( البوابات ) حتى مكان التذاكر .
