الاهم اخوي هل رقم الفرسان انكتب على البوردنق؟؟
لان اذا رقم الفرسان ما انكتب في البوردنق فمعناها ان الاميال غير محسوبه لاي سبب كان واهم سبب ان يكون الحجز فيه اكثر من شخص مثل الاخ او الاب. وهم اشخاص مايدخلون مع العضو بالاميال
تحياتي

استاذي انا حصل معاي نفس الشي
اتصلت على الرقم المجاني وتفاجأت ان البطاقة غير مفعلة ولازم تفعلها خلال 48 ساعة وبعد ذلك ارسلت لهم بالفاكس التذاكر عشان يضيفونها
اهم شي في كل مره تأكد ان رقم الفرسان ينطبع على البوردنق و بالتوفيق

اتصل على الرقم المجاني للفرسان وبيحلون مشكلتك

نفس ماقال اخوي مهندس اتصل عليهم وبيردون لك خبر وبتلاقي حل باذن الله
تحياتي

يعطيكم العافية جميعاً
ورقم الفرسان مكتوب في البوردنج ..
إن شاء الله بكلمهم هاليومين

اعتقد ان نظامهم فاشل
اولا نظام ادخال النقاط مايدخلونها من اول ماتاخذ البوردنق بالرغم انى كذا مره ياكد لى الموظف بان النقاط اضيفت ولما ترجع تتصل عليهم يقولون لا ماانضافت
ثانيا تخيل رحله ل 8 اشخاص لصلاصله بمبلغ وقدره ومن ثم مجموع النقاط 2200 نقطه فقط يعني كم يبيلك علشان توصل المستوى الثاني؟
شخصيا فقدت الاهتمام بعضويتهم لانها متعبه على الفاضى
عشرين اتصال علشان يضيفون النقاط وفاكسات وبعدها يقول لك اتصل بعد يومين او ثلاثه الين يتم الفرز وبالاخير الفاكس ماوصل واعد الارسال وفى الاخير نقاط اقل مماتتوقعه بكثير

بصراحه قوانين البرنامج صارمه وصعبه

يسعدني الرد على السؤال
اهم شئ ان تحتفظ بالبوردنج والتذكرة
ارسلها له فاكس
وبعد كذا شيك على اليلفون 8002440999