والله ياخوي لي حول الأسبوعين أبحث في النت عن أرخص الشركات التأجير لرحلتي في شهر مارس وكل شركة تختلف في الأسعار مثل عندك بدجت لقيت عندهم سعر غالي وسعر رخيص جداً لنفس السيارة والفئة يوم ينزلون عرض خيالي واليوم الي بعده أنتهى العرض وهكذا ..
بس من خلال بحثي وجدت أن أفضل شركة من ناحية نوع السيارة والتأمين الشامل والسعر وممكن تحجز هنا من السعودية في فروعهم وهي شركة europcar وأيضاً عندك شركة alamo و hertz من النت تحجزها
وفي موقع ثاني بس ماأدري عن مصداقيته لأنها أعطاني أسعار خيالية جداً جداً وأنتظر الأعضاء في المنتدى يفيدوني عنه وهو carhire3000
بس لا تنسى أهم شيء زي ماذكروه الأخوان في هذا المنتدى تحدد انك من السعودية لأن يعطيك سعر أفضل بمراحل

مشكور على الموضوع بس انا للاسف من الكويت يعني عادي احط من الكويت وتنزل الاسعار ولالا ؟ وكيف طريقة الاجار عن طريق الانترنت واذا اتعرف شركات لها فروع بالكويت ياريت تقولي عنها

هناك شركة افيس ودولار
ابحث عن طريق النت

اخوي مغاوير الشركات اللي ذكرهم اخوي بسطاوي موجودين في الكويت وتلاقهم في المطار صاله القادمون وافيس بعد موجوده. وتلاقى سايتاتهم تقدر اتحجز منهم .
ودولار هذا واايد زين اخوي مجربه ويمدحه واايد
وموفقين

عندك شركه افيس في الكويت انا اجرت سياره حق شهر 4 من عندهم 16 يوم استلمها من سان فرانسسكو واسلمها في لاس فيقاس ب 295 دك

مشكورين وما قصرتو يا شباب ويعطيك الف مليون عافيه على المساعده

اخواني الاسعار خياليه من جميع مواقع الاجار السيارات
انا بحجز من لوس انجلوس وبسلمها بنيويورك وابي سياره كشف لقيت كرايسلر تقريبا طلع علي 2000 دولار لمدة 30 يوم هلا السعر زين ام هناك اسعار ارخص من هالاسعار لاني بحثت في مواقع دولار وافيس وكل المواقع وهاذي الاسعار ؟
وشكرا

جرب موقع priceline فهو موقع أمن ومضمون وبه العديد من الشركات وسوف تجد اسعار جيدة جدا انا دائما استخدمة

هلا أخوي
أنصحك بعمل حجز للسيارة من الآن"ولا يتطلب ذلك منك بطاقة فيزا او دفع مبلغ"
انا عن نفسي أفضل ناشيونال https://www.nationalcar.com/
احجز اللي يناسبك ويمكنك متابعة الموقع كل فترة "يومين ثلاثة" لأنهم ينزلون عروض خيالية
اذا نزل شئ مناسب أعمل حجز ثاني
الصيف الماضي حصلت على فان تيوتا سايينا من اورلاندو أسبوعين القيمة مع التاكس وتأمين شامل لم تصل 900 دولار
وزي ما ذكروا الأخوان تحصل على سعر افضل اذا كانت بلد الاقامة السعودية "ماعندي خلفية عن الكويت لكن جرب"
بالتوفيق