السلام عليكم ورحمة الله
اليوم الثلاثاء كان موعدي مع السفارة للمقابلة الشخصية,,,
موعدي كان الساعة 9 حسب الموقع
وانا انشغلت في تجهيز الاوراق وماوصلت حي السفارات الا الساعة 9 وعند السفارة الساعة 9:05
الاوراق اللي اخذتها معي
1- نماذج DS-156, DS-157, DS-158
2- جواز السفر
3- صورة من الجواز "ضروري"
4- ايصال سداد رسوم التأشيرة "وليس السيفيس!!", طبعتها اونلاين واحتفظ بصورة منها علشان الوزارة "اللي ماسددها ممكن يسددها من سامبا كونكت
http://www.samba.com/common/sconnect/SambaMall.jsp
او اي فرع لسامبا , ويوجد فرع في حي السفارات"
5- صورة شخصية 5*5
6- صورة لاثبات ان موعدي في هذا اليوم من الايميل, بس ما احتجتها
اول ماوصلت للسفارة مسكت سرا مع العالم الى الساعة 11:20 تقريبا, يعني ساعتين
والحمد لله الجو كان روعة ماحسيت لابحر ولا شي
يوم وصل دوري عند البوابة رحت للموظف ورا الكاونتر عطيته الجواز وشيك على موعدي اليوم, واعطيته الجوال والمفاتيح وعطاني رقم لاسترجاع الاغراض بعدين
بعدها تم الدخول الى غرفة التفتيش وبعدين طلعت ودخلت السفارة وفيه تفتيش ثاني جوا
بعدها رحت لقسم القنصليات والتاشيرات وعطاني رقم
جلست مايقارب الساعة "الانتظار هنا اريح " ودخلت على كاونتر يوم جاء دوري, هذا الكاونتر يشيك اوراقك هي كاملة ولا لا, وبعدها تاخذ رقم ثاني وتعطيهم الاورق والجواز
وانتظرت مايقارب ساعتين ونص ويمكن اكثر "الله يلعنهم فوتو علي صلاة الظهر ولا فيه مصلى"
وفي هالفترة اشوف المقابلات مع الناس الثانين, فيه اللي جاي سياحة واللي دراسة,, بعضهم جلسو معهم ثلث ساعة او اكثر!!!!!!!!
يوم جاء رقمي رحت للكاونتر 6 رفعت السماعة هلو هلو هو ار يو وهالمقدمات
طلب مني اضع يدي على جهاز البصمات واخذوها ورفعت السماعة ثانية وسالني اسألة بسيطة , عندك i-20 ولا لا, قلت لا قال طيب متى تخرجت من الجامعة, تعرف وين بتروح في اي ولاية؟ قلت لا
قال طيب اشتغلت, قلت لا, قال ليش رحت لماليزيا؟ قلت سياحة
قام عطاني جوازي والورقة الصفرا قال اذا وصلتك i-20 وسددت السيفس تعال
وبس
ما اخذت مني ولا 4 دقايق واغلبها كان يسولف مع صديقته
انا تعبت 6 ساعات بروح انام خلاص تعبت وانا اكتب لكم:112: ههه
اي سؤال حياكم
نصيحة:
1-خذ مويه معك احتمال تعطش وحضرتك منطق برا مع السرا
2- خذ معك جريدة او مجلة ولا راح تطفش
3- حاول تدور اي واحد تسولف معه علشان تضيع الوقت
4- لايسمح بدخول المرافقين اللي ماتقدمو لفيزا,, يعني اذا انتي بنت والمحرم مو معك وراح معك الوالد مثلا ماراح يسمحون له بالدخول , خليه يدخلك للسفارة وبعدها يروح يعين خير اذا طلعتي دقي عليه