يا هلا والله بآيس ماكس شلونك
وأخيرا عزمت تزور الكويت
شوف السكن بالسالمية طيب لأن أغلب المولات موجودة بالسالمية ، بس حسب طلبك يبين إنك تدور على بضايع تكون موجودة أكثر بمناطق غير السالمية يعني مثل الفروانية أو العاصة (شرق)
يعني لو بغيت عبايات وشيلات روح للعربيد بلازا وهو بالفروانية وبعد سوق المباركية بالعاصمة
ولو حبيت اعمل برنامج لمدة 3 ايام
نقول أول يوم تروح مولات السالمية وأختار لك الأبرز للتسوق :
سنتر بوينت ، الفنار ، البستان ، مارينا مول
المطاعم الموجودة بالسالمية عندك اللبناني :
1- قصر البردوني
2- قصر النخيل
إيطالي :
عندك بام بام اللي بمجمع ليلى غاليري
بحري عند توتالي فيش إللي بالمارينا مول (المارينا كريسنت)- (ولغير الكويتيين نشرح) هو موجود بالقسم التابع للمارينا مول والمطل على البحر وكله عبارة عن كافيهات ومطاعم .
اليوم الثاني تتسوق بالعاصمة
1- سوق شرق .
2- سوق المباركية ويفضل بالليل
3- مجمع المثنى
المطاعم الموجودة بالعاصمة .
إيراني بابا طاهر مقابل مطافئ شرق إسأل وما يضيع .
هندي عندك دعوات فيه كباين.
لبناني عندك ميس الغانم مثل ما قلت وبعد قصر يلدز .
اليوم الثالث يكون متنقل بين الشويخ لزيارة مجمع الافنيوز (لازم وجيد جدا للشراء)
وبعد مجمع المهلب بحولي ومجمع النقرة (أغلب بضاعته للنساء يعني المدام راح تدفعك عدل هناك هاهاها)
والمطاعم اللي بحولي عندك حسني مصري وفيه كباين
وبعد عندك الفروانية مثل ما قلت لك .
يعني السفرة لمدة 3 ايام راح تكون مكثفة .
وأي سؤال إحنا حاضرين
وحياك بالكويت

هلا والله
BIG HALA
كيفك بو احمداني ... بشرنا عنك؟؟ صدقني اكتب الاستفسار و عندي احساس انك جاي
كيف الصولات و الجولات ؟؟؟؟ ولا خلاص آخرها بالخبر؟ سوري انقطعت عن المنتدى فتره وضاعت الحسبه ... بس تراني موصي الملكه حقت البشوت تسلم عليك
ما قصرت على الرنامج الحلو ... بس ها انتبه حماتي معاي ولا ابي ازعلها ... ... ابي شي عدل ولا بتروح علي
بو احمد وين الاقي خريطه ...؟؟ انا ماعندي نفيقيشن و لاني مستعد اضيع.....
و بالنسبه للسكن شترشح؟

1. استفساراتي.....


2. تفضل

السلام عليكم....
صبحكم الله بالخير.. يا اخوان انا معزم اجي الكويت ... و احتاج مساعده منكم ... لاعدمناكم.
عليكم السلام و حياك الله بالكويت :36_1_24:
الهدف من الزياره ...... حريم و يبون اسواق الله يعين. ..
الله اعينك بس السوق هم متعه :36_1_36:
الاسواق المطلوبه.. غير عن اللي عندنا يعني مايبون زارا و مانجو و تيرانوفا و غيرها من الاشياء ذي .... يبون اسواق جلابيات و الثياب الكويتيه الحلوه ....... فهموها ما اعرف اشرح.
ما تعرف تشرح :36_3_10:
اوكي .. اللي تبيه ممكن الاقونه بالاسوقه العادية ( بعدين اذكرها ).. لكن اذا لك خلق عوار راس
في مجمعات اهيا شعبية (هم بعدين اذكرها ) و بضايعها رخيصه و ممكن تلاقي اللي تبونه في لكن بعد فراره و دوخت راس

استفساراتي.....

تفضل

1- بعض الاخوان نصحوني بالسكن في السالميه... شرايكم ... الصراحه الرحله للسوق وليست للراحه و الاستجمام ... يعني ما احرص على الفخامه و الدلع... بس النظافه مهمه جدا. و اهم شي ما ابيها مكلفه وايد.... (شقه بغرفتين) لمده ثلاث ليالي ... السعر من 35 الى 40 معقول.
انا مو خبره بالسكن ان شاء الله غيري اساعدك:55654:
2-اهم شي و قبل البدايه ... وين الاقي خريطه للكويت... حديثه و فيها الطرق.
مادري
3-الاسواق... و ياريت تقسمونها نصين ... مجمعات و اسواق شعبيه
المجمعات ... سوق شرق (شرق )- المارينا( السالمية ) - المهلب (حولي )- الافينيوز ( عالدائري الخامس )- الكوتو المنشر (فحيحيل )- الفنار( السالمية ) ...
الشعبية .... العربيد ( الفروانيه ) - المباركية ( العاصمة ) - دريم مول ( شويخ !! مو متاكده ) - المعلم (حولي..الله اعينك على زحمه حولي :36_7_14: :36_7_14: :36_7_14: ) - سيتي سنتر ( السالمية )
4- المطاعم ... انا جربت ميس الغانم ... حلو جدا بس ما ارتحت لانه ما فيه قسم عائلات.
ميس الغانم روعه و برج الحمام ( اكل شامي )
ما في قسم للعائلات ...م.. ما اعرف المطاعم اللي فيها قسم للعائلات ..!!!
بالنسبه للمجمعات وش دوامهم ... لاني مخطط ان الصباح بدري اوديهم الاسواق العاديه و اذا احتر الجو اوديهم مجمعات و بعد الغدا نومه شوي و العصر نرجع نتسوق الى اليل.
الاسواق العادية قصدك فيها الاسوقه الشعبيه .. اذا كان اي
اتبع شورك .. عين العقل عقب الراحه و:thumb_ico كممل شغلك و روح السوق العصر يمكن اتكون المحلات مصكوكه لي 4 ..
روح الكوت و الافينيوز بالليل روعه :36_1_11:
المهم اشكركم كلكم مقدما و سف على ازعاجكم.
لا ازعاج و لا شي
و حياك الله بالكويت
:36_1_39:
مع السلامه
اختك زعطوطه

حبيب قلبي اهلا وسهلا فيك بين اخوانك وربعك وبلدك الثاني الكويت
السكن انا اترك السكن للاخوان الباقيين لان معرفتي بالسكن مو شي
المجمعات مثل ماذكروا لك الاخوان وبدل اللفه والدوران بوزع لكل كل مجمع والمنطقه والاسواق القريبه منه بدل اللف والدوران اولا نبدي بمجمع
1- مجمع شرق والمارينا يم بعض واذا تبي الاسواق الشعبيه عندك سوق السالميه وحوش السالميه اسواق حلوه واسعارها معقوله مثل ما ذكرت ماتبي المحلات العالميه المنتشره بين الدول
2- المهلب تطلع من المهلب تروح للاسواق الشعبيه عندك مجمع سوق المعلم وفيه اشياء حلوه وزوينه
3- مجمع النقره الشمال يوالجنوبي وفيه الاسعار حلوه وهذى في حولي
4- الكوت والمنشر وهذا في منطقة الفحيحل ويم المجمعات هذى تلاقي اسواق شعبيه وجمع سلمان الدبوس واجيال مول والاسعار رائعه وزينه
5- كويت ماجيك واهيا مجمع فيه محلات تجاريه وفوق مطاعم والعاب للاطفال اذا عندكم اطفال
6- الافينيوز مجمع من اسواق كبير وتوه مفتوح والله يعينكم عل ياللفه بتتعب ما وصلت الاخر
واتمنى وضحت لك الاماكن والاسواق
واي معلومات لا تردد وفي الخدمه
ومره ثانيه اقولك حياك الله في بلدك الثاني بالكويت

حياكم الله
ما قصروا الاعضاء بس بغيت أقولك شي بسيط...
يبون اسواق جلابيات و الثياب الكويتيه الحلوه:
راح تلقونها في العربيد بمنطقة الفروانيه
لا تنسى التقرير والصور الحلوه

هلا والله بأخوي آيس ماكس
حتى انا صار فترة ما أدخل للمنتدى والسبب هو السفر إلى دبي بمهمة رسمية من قبل العمل ن وإلا كان عديت لك تقرير طيب لكن الوضع ما يسمح
شوف بالنسبة للخريطة عندك قوقل
http://www.wikimapia.org/

في خريطه موجوده في بوابه الكويت فيها كل شي
اطبعها افضل لك
الاخوان والاخوات ماقصروا عطوك كل شي
المجمعات عندنا بالكويت تفتح من الساعه 10 صباحا الى منتصف الليل متواصل وهاليومين تنزيلات يعني على كيف كيفك والاسعار رخيصه والسكن بعد رخيص اختيارك موفق للسفره اتمنى انك تسافر باسرع وقت ممكن قبل لا يخلصون من الامتحانات لان هاليومين مافي زحمه والله يعنيا اذا خلصت الامتحانات
وحياك الله بالكويت

السلام عليكم....
تيون الحق .... احرجتوني :36_1_24: ماشاء الله عليكم ... ما قصرتوا بشي ....
ماني كاتب الاسماء واجد :36_1_13: كلكم فيكم بركه ان شاء الله. هالورقتين بطبعهم و باخذهم معاي ان شاء الله.
بو احمداني .. طلتك تكفي والله..
حلوه الخريطه ... بس غريبه مافيه خرايط ابد لشوارع الكويت....
المهم Big Thanks To You All
:36_3_15: :36_3_11:

هلا والله وحاضرين بس متى الزيارة إنشالله عشان نقوم بالواجب