om_leen123
02-09-2022 - 12:45 am
السلام عليكم ورحمة الله وبركاته
اخواني واخواتي حبيت آخذ منكم آرائكم وخبراتكم في أي استفسار ممكن انه يدور في ذهني ..
وذلك لأن نويت ابدأ اخطط لرحلتنا الصيفية من الآن إذا الله أعطانا عمر ان شاءالله .............
لأن التخطيط المسبق يوفر على الواحد الصرف والتفكير والحيره ...
الصيفيه الماضيه كنت ابحث في المنتدى لمدة شهر مع التركيز وجمع المعلومات وبصراحه استفدت كثير كثير كثير
وكنت مخططه على الثلاث الدول الاوروبيه المعتاد عليها (النمسا+سويسرا+المانيا)
ولكن سبحان الله ما ارد الله سبحانه اننا نسافر لأوروبا لانه صار ظرف خلانا نأخر استخراج الفيزا وقبل رمضان ب3 اسابيع تقريبا قررنا نسافر ولاكان يمدينا على الفيزا لأننا بنظطر نصوم رمضان هناك وبصراحه رمضان حلاته في بيتك وبين اهلك..........
المهم .. فقررنا نروح تركيا وكان قرار سريع جدا وكنت مكتئبه لاني ماكنت عارفه وش اللي قدامنا وش المخططات والمدن والرحلات !!!!!!!!!!
والظريبه هي اننا رمينا مبلغ وقدره عند مكتب سياحي في تركيا علشان يتكفل بكل شي وبالفعل تكفل بكل شي من سكن واستئجار سياره وسواق ورحلات داخل المدينه وبين المدن الين وصلنا للمطار العوده وكانو قد كلمتهم لاكن الظريبه هو المبلغ الضخم وقلة المعرفه بالبلد وعدم التخطيط المسبق
لاكن بصراحه انبسطنا كثير وماكنت خساره فيهم
آسفه على الاطاله بس حبيت اعطيكم فكره بسيطه ليه انا ابي اخطط على السفره من الآن .......
عندي معلومات كثيره وروابط مخزنتها من هذيك الايام فيها معلومات تتعلق بالدول الاوربيه ...
لاكن موضوعي هذا ابي منه ( رد سريع لأي سؤال محيرني ) ومنها اكتب وش سويت خطوه بخطوه ربما وعل وعسى يكون مرجع لناس جدد ويستفيدون من ردودي او ردود الخبراء الله يجزاكم خير
طيب ::::
نجي الحين لأول استفهام عندي
ودي المخطط هذا اغيره عن المخطط اللي كنت مسويته ولا تم ,, وهو
بما اننا نازلين نازلين على أوروربا ليه مانزور اهم المدن الاوروبيه واركز عليها مثل : لندن + باريس ...... ومنها على باقي المناطق اللي انعرفة بطبيعتها الخلابه مثل انترلاكن بسويسرا وزيلامسي بالنمسا
حقيقيةً ً .... في البدايه انا عارفه اني لازم اطلع فيزتين وهي الشنقن وفيزة بريطانيا
ثاني شي انا متلخبطه ماني عارفه ابداء وين وانتهي وين
والتقارير ماشاء الله وش كثرها لاكن اللي براسي ما مر علي بالتقارير
وغير كذا بالنسبه للتنقلات بين المدن اذا كانت بالقطار ابيها ماتزيد عن ساعتين ونص لاني مابي الموضوع يتحول لسفر وملل
وماعندي مشكله يكون عندنا رحله اقتصاديه وحده بين مدينتين بتكون المسافه بينهم بعيده ..
مع العلم ان بخاطري بلندن وباريس ( تمشيه وشوبنق )
وانترلاكن وزيلامسي ( طبيعه ورحلات )
وديزني لاند (او) يورب بارك .. للعب
وطبعا يعتمد على خط سير الرحله من وين يبتدي ووين ينتهي
أتمنى احد يساعدني في ترتبيب رحلتي مبدئياً علشان ابدأ بالخطوات اللي بعدها .. مع ذكر المده بين كل مدينه ومدينه سواء بالقطار او بالطائره لو استدعى الأمر
هذا كل شي وسامحوني على الإطاله
ملاحظة / اعذروني راح اكرر الموضوع في قسم فرنسا
الحمدلله على سلامة الوصول من تركيا ( وكل تأخيره وفيها خيره )
دام عندك المعلوماات الكافية .. انا اشوف ان افضل خطه هي
الوصول الى لندن ومنها عن طريق القطار الى باريس ومنها عن طريق القطار الى جنيف واستئجار السياره هناك
والى مونترو ( طبعا السكن يكون ياجنيف او مونترو )ومن مونترو او جنيف الى انترلاكن ومن انترلاكن الى
انسبروك النمساوية ومنها الى زيلامسي ومنها الى ميونخ ...
ولكن هالمخطط يبيله .. وقت يعني حول الشهر ... وتحديد الايام تركته لرغبتك ..
طبعا انا لست خبيرا وسوف يردون الخبراء بأذن الله