الشاكيه لله
22-11-2022 - 04:50 am
السلام عليكم ورحمه الله وبركاته ..
كثير اشوف الاعضاء بمنتديات رافضه رافض باتاً السفر الى بالي عوائل !
وبصراحة لما قريت ردودهم استغربت !
عجبي يا ابن ادم !
الردود كانت :
ماتنفع للعوائل لاسباب عري !
ماتنفع للعوائل لان الاجانب اغلبهم استراليين فيكونون يطالعون الحرمه !
ماتنفع للعوائل لان كل الجزيره العاب مائيه !
ماتنفع للعوائل لان الجزيره فيه مسكرات ! وملهى ليلي .. و و و الخ !
هل العري جائز فقط للشباب ؟ هل هو حلال فقط لكم ؟ ام غض النظر للنساء والرجال ؟
واذا يطالعون الاجانب زوجتك وش المشكله ليه تستحي ؟ او تتضايق ؟ او تتفشل ؟
ليه ماتفشلوا منك واستحوا او تضايقوا لما عرّورا زوجاتهم عندك ؟
ارفع راسك بحجاب زوجتك واحمد ربك على نعمة اعطاها الله زوجتك انها بحجابها متمسكه عفيفه ..
اذا على جزيره كلها العاب مائيه هو كل من يروح لجزيره لازم يلعب ؟
وش خليتوا لجزر المالديف وهي 95 بالميه اجانب ولا قالوا شي ؟
كل دوله فيها مسكرات حتى بعض دول الخليج وملاهي ليليله والعري بالمسابح !
وعلى الشاطئ ! ليه ماقلتوا عن هالدول الخليجيه كذا ؟ وش خليتوا عن لبنان ! والله سافرت لها وقدامي
اشياء مابي اذكرها وياليت على المايوه السباحه نقول هانت :/ الله يهديهم ويهدينا ..
الناس صارت تسافر دول ممنوعه وبحجابها كاامل ولا قالوا اللي قلتوه عن بالي !
النظرات لابد بكل مكان من الاجانب شي بديهي بيطالعون امرآه بحجابها !
احنا يالسعودين سواء رجال او نساء باسواقنا بالسعوديه لامرت من جمبنا اجنبيه نطالعها وإلا ؟
اكسروا هالنظريه وسافروا وتمتعوا دامك تحاول تغض النظر ونيتك صافيه انك مسافر لتمتع بالمناظر اللي
الله رزقهم فيها من خضار صدقوني بتكون رحلتكم بعون الله جميله ..
مو لازم تطلع للشاطئ وقت الذروه !
من ناحية سباحه كل بالي فلل ورخيصه وفيها مسبح وخصوصيه ..
اعرف نساء راحوا لبالي وبحجابهم الكامل متنقبات .. وماشافوا اللي قلتوه !
صحيح نظرات استغراب فقط لاغير .. وهذا طبيعي جداً ..
نحنوا لكم ايها الشباب السعودي لن ندع بالي لكم فقط لتمتع فيها :tongue:
دعوه للنقاش ..
والخليجيه بشكل عام مايحبون يشوفون مثل هالعري اللي صاير في بالي
ومو كل بالي فيها عري مع العلم اني ماقد جيتها بس اسمع عنها من اخواننا
في المنتدى وبعض الأقارب انه بعض المناطق او بعض الشواطئ فيها
ويلزم التنبيه والأخوان في المنتدى يقولون ماننصح للذهاب بالعوايل الى بالي
ليش لأن أغلب العوايل معهم اطفال وبنات في بداية المراهقه وماودهم يشوفون هالمناظر
المخزيه من غيرتهم وانا واحد منهم ماانصح اللي معه عائله وفيهم بنات خاصه في سن
المراهقه او صغار في السن انهم يروحون لبالي الا اذا بيروح لشاطئ او اي مكان وواثق انه مافيه عري
اما انه يدرعم هو واهله كلهم ويشوف العري هاذي مشكله هذا ماعنده غيره على اهله
وبعدين وش اللي في بالي صارت سالفتنا بالي والله ان الجبل بونشاك يسوى بالي
وام بالي ممكن علشان اني ماشفتها بس يكفي برودة الجو والأمطار في الجبل والأسعار مقارنه ببالي
اقول ياحبيلك يالبنشاك وخلو بالي لكم