al_asa
بخصوص فندق سيلفرج انا علقت عليه فى موضوعك فى بوابة فرنسا .. أما بخصوص القطار بتلقى ببساطه هناك عدة رحلات ، بس إذا ناوي تروح فى ويك إند إحجز قبل بيوم إحتياط و لتفادى الزحمه على شباك التذاكر ...

مشكوره يا بنت الصقور هنا وهناك
بالنسبه للأوتيل الهلتون هذا على الاجول رود وانا ماودي اكون على هالشارع مباشره
مافيه اوتيل ثاني قريب منه بس على الاكسفورد

طيب جميع المحطات اقدر احجز عن طريقها من لندن الى باريس والا فيه محطات معينه... حول

al_asa
هلا والله بأخوي ............. بس تقدر تحجز من محطه Waterloo أذا دشيت المحطه تلقى قطارات اليورو ستار نازله تحت شوي من القطارات العاديه وأول ماتنزل من الدرج تلقى مكتب الحجز على إيدك اليسار تاخذ رقم وتنطر دورك وتقدر تحجز لأوربا كلها ومع فنادق بعد
ومده الرحله 2:30 او 3 ساعات من الوتر لوو ألى محطه النوتردام على ما أعتقد
أنا حجزت الصيف اللي طاف مره لحالي لباريس بيوم عادي مو ويك إند 70باوند رايح راد وتكون ردتك بعد مو بويك إند ومره كنت بحجز بويك إند وأرجع بويك إند قالولي 134 باوند
وشكرا ولك أجمل تحيه أخوك يا حلو يا أنا

اخوي لاتخاف من ناحية الحجز ارقد وامن
حنا حجزنا قبلها بيوم بس وهل تعلم كم كان عددنا في تلك الرحلة؟؟؟ قل ماشالله اول ... 19 شخص وشخصة لا وفي نهاية شهر 8 يعني عز الموسم ...

الله يطمنكم ويعافيكم مشكورين

مرحبا .. انا سافرت عن طريق شركة سياحه .. والله كانت من أحلا الرحلات اللي رحتها
من لندن الى فرنسا .. عن طريق شركة سالي للسياحة .. اللي في ادجوارروود
رحنا في باص مكيف كانت رحله ممتعه غيرطبيعيه ومع مرشد سياحي يوريكم المناطق السياحيه غير المناظر الطبيبعية تجنن كانت 5 ساعات لكن من احلا اللحظات في حياتي وفي الطريق الباص يدخل في نفق تحت البحر في قطار خاص للسيارات وعالحدود ينزلكم الباص في السوق الأوربي المشترك السوق يجنن وهذا غير المسابقات اللي يسونها في الطريق يروح الوقت من غير ماتحس وطول الطريق يكون في مناظر طبيعيه الريف الفرنسي روعه خيال وخدماتهم من ناحية حجز الفنادق والإقامه ممتازه .. وطول فترة الرحله يوريكم معالم فرنسا يعني ماترجع بلادك الا انت حافظ معالم لندن وفرنسا
بصراحه انصح بهالرحله واللي ماراح لها فاته نص عمره

يمكن السفر من لندن إلى باريس عبر قطار اليورو ستار.
أتذكر إننا قمنا بهذة الرحلة بس من 5 سنوات وكانت في شهر نوفمبر يعني مش موسم صيف وإجازات، بس حجزنا قبلها بيومين ، وكانت على الدرجة الأولى لأنها أهدأ وأريح وبعيدا عن الزحمة ( أنصحك فيها)
الرحلة كانت أقل من 3 ساعات ومريحة لم نشعر بأننا إجتزنا حدود بلد إلى أخرى.