hmadacompaq
28-09-2022 - 01:46 pm
السلام عليكم ورحمة الله وبركاته
انا كان عندى شوية استفسارات انا ان شاء الله هاروح المغرب على اول سنة 2011
فا انا رايح لخطيبتى هناك والحقيقه دى اول مره اروح فيها المغرب
فهى هاتبعتلى زياره فا لو حد يعرف ايه فكرة الزياره دى ومامدتها وهل هى سهله ام صعبه
وايه الاجراءات
تانى حاجه هى فضلت بالنسبه لى ان أستأخر شقه بالمناسبه هى فى كازا
فا قالت ان الشقه فى الشهر بحوالى 450 دولار هل السعر دا مناسب ولا افضلى انى افضل فى فندق
ولكن بالنسبه لتذاكر الطيران فا دى مش مشكله لانى اعمل فى شركة سياحه دا غير انى بدخل يوميا
على مواقع الطيران الخطوطه السعوديه وخطوطنا مصر للطيران وكمان المغربيه الملكيه
وبشوف الاسعار باستمرار والصراحه بالنسبه لنا فى مصر فا الخطوط المغربيه ارخص
فا كنت محتاج حد يساعدنى زائد كمان ماهى مستوى المعيشه هناك يعنى مثلا لو هاقعد 3 اسابيع او شهر ممكن هاحتاج مبلغ قد ايه عشان اقدر اصر براحتى هناك
لان الصراحه خطيبتى مش قادره توصلى الفكره كويس بالنسبه للمصاريف مش عارفه تحددلى ان كانت غاليه ولا لا
فا ياريت تنصحونى خصوصا انى هاقعد شهر يعنى مش وقت قصير لكن بالنسبه للخروج هناك
اظن هى هاتقوم بالواجب وبزياده ههه
وانا اسمع ان كازا افضل مدينه بالمغرب بجانب مراكش
اه بجد لو تعرفو قد ايه انا منتظر اليوم اللى هانزل فيه فى مطار كازا بجد بتمنى اليوم دا يجى بسرعه قوى
