انت وصولك سبت الى ميونخ وراح تجلس الى الاثنين فيها صحيح والثلاثاء الصباح تسلم الفندق وتمشي الى زيلامسي ؟؟
برايي اول يوم وصول السبت عبال ماتوصل وتستلم شنطك والسياره وتمسك الطريق الى سالزبورغ وتوصل وتستلم الفندق وتنزل اغراضك وتروح تتغدى ضاع هذاك اليوم المعلومه اللي لازم تعرفها انه الاحد تقفل السوبرماركت الكبير والمحلات يعني يفضل تروح لاقرب سوبرماركت وتقضي اغراض لاول يوم وثاني يوم وممكن لو خلصتوا غدا وشراء اغراض السوبرماركت تروحون تتمشون بالبلده القديمه وعند نهر السالزاك اذا قدرتوا
ثاني يوم اللي هو الاحد تروحون للبحيرات قريبه من سالزبورغ وممكن تضيف معاها بحيره موندسي احلى بحيره تروحون موندسي وبعدها فوشل ام سي وبعدها سانت جلجن ومنها تركبون الباخره الى وولف قانق تتمشون فيها وترجعون بالباخره للسياره في سانت جلجن لان سانت جلجن وولف قانق قريتين على بحيهر واحده اسمها وولف قانق
ثالث يوم اللي هو يوم الاثنين تشترون بطاقه سالزبورغ ليوم واحد وتستفيدون منها باخذ جوله نهريه وقلعه سالزبورغ وقصر هيلبرون والتلفريك وحديقه الميرابيل جميعها مجانا وبدون ماتدفع شي ولكن بالبطاقه وحتى لو بغيت توقف سيارتك وتتنقل بالباصات مجانا برضو بين هالمناطق المهم تصحى بدري مره عشان يمديك تمر على كل هالاماكن وتراها قريبه من بعض مره
اما في زيلامسي ممكن تروح بادقاستين وهالشتات واعلى قمه في النمسا واليوم اللي بتسافرون من زيلامسي الى ميونخ راح تمرون على بحيره walchsee وزحليقتها الصيفيه وقفوا فيها واقضوا فيها بعض الوقت لان البحيره حلوه والزحليقه الصيفيه
فيه محلات للتسوق قريبه من مكان الطيران الشراعي وعندك في كابرون شلالات سيغموند ثون كلام والخوانق المائئيه وبعدها على طول بحيره كلامسي لاتفوتك

اسعار الاماكن في سالزبورغ بدون البطاقه 52 يورو اما سعر البطاقه فقط 25 يورو يعني راح توفر نص السعر تقريبا طبعا هذا السعر للشخص الواحد

بعض المطاعم في النمسا وميونيخ :
مطعم ( Hanas Rasoi Indian Restaurant هندي ) في سالزبورغ القديمه
مطعم ايدن ( aydn تركي ) مقابل مركز شرطة زيلامسي
مطعم ( علي بابا عراقي ) مقابل فندق القراند في زيلامسي
مطعم انتونيو بسمتي ( antonios basmati هندي ) خلف سوبرماركت billa اللي في ساحة زيلامسي
مطعم ( pizzeria zucchin تصنيفه مكسيكي ) في بلدة كابرون القريبه من زيلامسي
مطعم ( Pizzeria Ramazotti لاأعلم ماتصنيفه ) في قرية باد هوف قاستين
مطعم كساره ( kasara لبناني ) في ميونيخ قريب من محطة المترو munchner freiheit
مطعم شانديز ( shandiz ايراني ) ومقابل له مطعم دهباشي ( dehbaschi ايراني ) في ميونيخ
وتتواجد مطاعم الوجبات السريعه مثل : ماكدونالدز في كل مكان
نظرة الشعب للنقاب تنرفز شوي لكن لاتتعدى ذلك ويفضل لو تغيرون لون النقاب والشيله ( الطرحه )
واجراءات الدخول للمطار سهله وميسره وفيه موظفات نساء وتقدرون تطلبون حرمه اذا كان مافيه
الميزانيه اليوميه من 100 يورو الى 200 يورو للشخصين كافيه ان شاء الله
الأماكن السياحيه في سالزبورغ :
1_ الذهاب الى البحيرات و القرى الريفيه ( وولف قانق + سانت جيلجن + فوشل آم سي + موند سي )
2_ شارع المشاه في سالزبورغ القديمه وشارع المشاه في سالزبورغ الحديثه
3_ التجول على نهر السالزاك وحديقة الميرابل
4_ الصعود بالتلفريك الى القلعه القديمه في سالزبورغ القديمه
5_ المرور على قرية هالشتات ( Hallstadtt) الجميله وتبعد 80 كم عن سالزبورغ
6_ الذهاب الى الكهف الجليدي ( معلومه : المشوار متعب وخاصه للنساء والاطفال )
7_ زيارة قصر الهلبرون ( فنتازيا مائيه )
8_ زيارة الأوت لت القريب من سالزبورغ للتسوق
الأماكن السياحيه في زيلامسي ( كابرون ) واهم الباصات للرحلات السياحيه :
1_ التجول حول بحيرة زيلامسي الجميله وركوب السفينه في البحيره
2_ الذهاب الى قمة كابرون الثلجيه
3_ الذهاب الى قرية سالفيدين وفيها الزحليقه الصيفيه
4_ الذهاب الى شلال زغموند ثون كلام والمشي على الخوانق الخشبيه الضيقه قريب من كابرون
5_ الذهاب الى قمة شميتين هويه
6_ الذهاب الى ساحة الطيران flug platz لركوب الطائرة السياحيه ولكن لازم الحجز يكون مسبق عن طريق الفندق
7_ الذهاب الى شلالات كريمل
8_ زيارة قرية walchsee وتبعد تقريبا مدة ساعه عن زيلامسي فيها زحليقه صيفيه أيضا وفيها بحيره جميله
9_ اذا عندك وقت فراغ ممكن زيارة ملاهي فاميلي لاند
0- شلال الوادي الضيق ليشتن شتاين وسانت يوهان والمشي على الخوانق الخشبيه يبعد ساعه عن زيلامسي
1- زيارة قرية Goldegg وتبعد 35 كلم عن زيلامسي
2- الذهاب الى قرية باد قاستين وقرية باد هوف قاستين
3- الذهاب الى مدينة انسبروك وزيارة عالم الكريستال ( سواروفسكي ) القريب منها
الأماكن السياحيه في ميونيخ :
1_ شارع المشاة الرئيسي الرابط بين الساحتين
2_ ساحة المارين بلاتز
3_ ساحة الكارل بلاتز
4_ شارع المكسميليان ( شارع الماركات العالميه )
5_ الحديقه الانجليزيه
6_ حديقة الحيوانات
7_ حديقة الهوف قاردن
8_ زيارة مول ريم اركادن والذهاب الى اوت لت اسكادا
9_ حديقة الاولمبياد ومتحف BMW
0- الذهاب الى ملاهي سكاي لاين بارك
1- زيارة حديقة وملاهي ليقو لاند وخصوصا للاطفال وتبعد 112 كلم عن ميونيخ
2- الذهاب الى قرية غارمش الريفيه الجميله
هذا رابط احداثيات للنمسا ان شاء الله راح يفيدك كثيرا في الرحله :
https://artravelers.com/p/re/537642
هذا رابط احداثيات لميونيخ وماحولها من اعداد وتنسيق مشرفنا ابو عمر :
https://artravelers.com/p/re/432357
وهاذي خريطة المترو لميونيخ من اعداد وتنسيق مميزنا ابو معن :

دموع الوجد وابونزيه الله يجزاكم خير ولايحرمكم الجنه على ألمساعده

عندي استفسار :
ممكن تذكرون لي المهرجانات اللي راح تقام في النمسا في الفترة من 17 سبتمبر حتى26
وميونخ من 26 حتى 29 ؟
وماهي شركة الاتصالات المناسبة للتجوال الدولي مع stc أو شركة تقدم خدمة الانترنت والبلاك بيري بسعر حلو؟

ممكن تردوون على استفساراتي رحلتي قربت طلبتكم ..
أبي طريقة المترو في ألمانيا كيف طريقة الدفع فيه .. ماعمري جربته أبداً .

نظم معلومات
بالنسبه للمهرجانات لا اعرف عنها شيء
وبالنسبه طريقة الدفع للمترو عندك طريقتين :
اما تشتري بطاقة استخدام المترو من المكاتب اللي في محطات المترو اذا كانت فاتحه
او تشتريها بنفسك من الآله الموجوده في المحطه
تختار لغه انجليزيه
وبعدها تختار المده
وتضع القيمه اللي راح تظهر لك