:50055: :50055: :50055: :50055:
الف الف مبروك أخيabuyam
وعقبال الشهادات العليا

الف مبروك اخوي وتستاهل كل خير
الا وش نظام هالبعثة ووش نوع الدراسة اللي بتدرسها ؟!
بالتوفيق

الف الف الف مبروك
واحلى ما فيها انك ظمنت البعثه والوظيفه بنفس الوقت
لان التأمينات الاجتماعيه ملزمين يوظفونك عندهم اذا تخرجت

ولد الشايب
الله يبارك فيك
وعقبال الجميع ان شاء الله
المستلج
الله يبارك فيك
بالنسبة لسؤالك
بعلمك بالي اعرفه
يا طويل العمر قريت بالجريدة فيه بعثات لنيو زيلاندا بالتأمينات تقريبا ببداية شهر 6 عربي
رحت قدمت اوراقي واخترت تخصصين مرتبة حسب الافضلية الاول حاسب والثاني دراسات اكتوارية
نفس التوفل بس التوبك يكون مهارات الانجليزي في الشارع
يعني التوفل باللهجه الفصحى والتوبيك بالعاميه بين الناسtopecقالوا لازم تختبر اختبار اسمه
المهم رحت لهم وقت النتايج وكان فيه 20 طالب مقبول و 20 احتياط واسمي ماكان بينهم
بس اتصلوا علي امس وقالوا انهم قبلوني جيتهم اليوم وقلت كم عدد المبتعثين قالو عشرين
الظاهر ان فيه ناس اعتذروا
سألته عن الاكتواريه قال هذا التخصص يسوي دراسات مستقبليه من الناحية الماليه
وقال مستقبله حلو مره وقليل الي معهم التخصص هذا
وأكثر شي شجعني اني ارجع من البعثة والوظيفة مضمونه
لاني سألته وقال ترجعون ووظايفكم جاهزة وأحلا ما فيها وظيفة حكوميه

يزيد
الله يبارك فيك واعتذر منك لان وقت كتابتي للرد الاول ما كان ردك موجود والعذر والسموحة
والله يوفقك ان شاء الله

الله يحفضك ويسهل دربك 0000

الف الف مبروك اخوي abuyam وبالتوفيق ان شاء الله ..

ألف مبروك أخوي تستاهل والله يوفقك

مبروك لك أخي .. ولتحرص على أن تكون سفيرخير لبلدك بالمعاملة الحسنة والخلق الكريم ..
عمومآ نيوزيلاندا بلد جميل .. وإذا قدرت تروح لمدينة هاميلتون يكون جيد لأن قريبي جلس فيها مدة ويمدح فيها .