نشر في ايطاليا

بأ ختصار أبي فزعه

ايطالي بالغلط

14-05-2022 - 05:13 pm

مساء الورد والخير .. علي جميع الاعضاء ..والمشرفين الهلالي والزعيمة ...
ياجماعة انا متوهق وابي الشور لاهنتم .. انا اول مره اروح ايطاليا وتحديدا .. ميلان ..بس أبي اعرف افضل طريقة اذا بغيت اروح من ميلان الي سالزبورغ .. الافضل بالقطار ولا السياره .. وكم المسافه .. في كلا منهم..
وكم سعر السيارات حنا 4 شباب ...وقالو لي اخذ سياره ديزل .. بس سمعت انه غالي .. انا لازم استأجر من ميلان... وشو السياره المناسبه لي.. حتي الطريق مانعرف .. يعني بنضيع ...؟؟
>> انا ودي اروح بالقطار بس شايل هم الشنط .. عشان كل واحد منا معاه شنطتين وحده كبيره والثانيه متوسطه الحجم ..

التعليقات (9)

BlackTulip

14-05-2022 - 07:26 pm

بس بعلق بخصوص الشنط
لا تشيل همها بالقطارات
اهم شي شنطكم تنسحب وبس
دامكم شباب مع بعض لا تشيل اي هم
عند المداخل فيه اماكن مخصصة للشنط
ومتوفرة بكثرة ..
غير انه فيه اماكن للشنط الصغيرة فوق المقاعد زي الطيارة
دوونت ووري ..
تجربة القطار وتسحيب الشنط ممتع :8888:

رحال في أوربا

14-05-2022 - 08:27 pm

مرحبا أخوي المسافة اذا انا مو غلطان حوالي 580 كيلو متر من ميلان الى سالزبرغ . انا انصحكم اذا كنتو شباب انكم تروحون بالسيارة لان الطريق حلو والمناظر واجد حلوة. أما عن ايجار السيارات فا عندك خيارات في عدة شركات منها يوركار وايفس وبدجت حاول تزور مواقعهم وتعرف اسعارهم

رحال في أوربا

14-05-2022 - 09:28 pm

أخوي شوف هذا الرابط
https://artravelers.com/p/re/295528

اطليانو

14-05-2022 - 10:29 pm

السياره خذ ديزل ارخص من البانزين واوفرلك

ايطالي بالغلط

14-05-2022 - 11:30 pm

مشكور اخوي بلاك توليب...والله كنت احاتي هالسالفه ...
وماقصرت يالغالي ...
طيب.. اذا بروح روما .. كم المسافه بالوقت ..؟؟؟
وعلي اي قطار احسن اروح .. انا سمعت من الشباب باليورو ستار ...؟؟
ابي رايكم ...لاهنتم ...

ايطالي بالغلط

15-05-2022 - 12:31 am

يعطيك العافيه اخوي رحال في اوروبا ...شكلي بشتري الراحه وبروح بالقطار احسن ....
مو ناقصين نضيع ...
ابي اقرب محطه من فندق كارلتون .. اذا تعرف...؟؟
وابي رايك في قطار يورو ستار ....؟؟
مشكور ....

ايطالي بالغلط

15-05-2022 - 01:32 am

مشكور علي الرد .. اطاليانو...
رايك ... باليور ستار ... مانستغني طال عمرك ...

BlackTulip

15-05-2022 - 02:33 am

من ميلان لروما 3 ساعات ونصف بالقطار السريع ( اليورو ستار )
تقدر تسأل الموظف لما تقطع التذاكر اذا كان يورو ستار أو لآ
ويقدر يعطيك جدول القطارات
ممكن هالجدول تطلبه من الفندق
يقدرون يخدمونك بهالشي اطلب جدول رحلات القطارات لروما وبيكون واضح في الجدول اذا كان القطار يورو ستار والا ايطاليا ريل
القطارات مريحة ولا بتحس بالوقت
ولا تحاتي شناطك بس خليكم بالمحطة من بدري واول ما يعلنون على الرحلة اطلعو وحطوا شنطكم في المكان المخصص لها في العربة اللي مقاعدكم فيها اسهل واسرع طبعا
وبالتوفيق

ايطالي بالغلط

15-05-2022 - 03:34 am

مشكور أخوي بلاك توليب .. وماقصرت .. مانحرمش منك ....
والله يجزاك خير ووالديك ...

ايطاليا المسافرون العرب

بأ ختصار أبي فزعه