هلا بك اخوي فيه محلين مقابل بعض يطبعون كروت زواج ممتازة والاسعار متوسطة
محل اسمه كارت بلانش
وقدامه محل ناسي اسمه
الموقع و بدون ما اتوهك باسماء الشوارع وبكل سهولة:
في سوق السويكت بالقرب من خياط اسمه الوطني وايضا قريب من مطعم للبخاري
انت اذا وصلت السويكت اسأل عن خياط الوطني بتلقاه قريب من المحلين
وانا انصحك بكارت بلانش لأني سويت كروت خطوبتي عنده :8888: وشغله تمام وسعره مناسب
تحياتي لك

فيه كثير كارت بلانش وفن داليا عندهم اشياء خياليه تهبل وتلقاهم بشارع عشره تقاطع الامير نواف على مااظن بس بالنسبه للتوصيف مااعرف اوصف بالظبط هو قريب مره من السويكت وقريب بعد من شارع الملك عبدالعزيز ان شاء الله الاعضاء يوصوفون لك وصف زين

والسويكت وين مكانه ههه لاتحرجوني ما ادل

ابشر ولا يهمك
اعطيك وصف السويكت:
هو عبارة عن سوق كبير
تخلي فندق الكورال على يمينك والراشد على يسارك وتمشي سيدا
تجيك اول اشارة في شارع الظهران اتركها وامش سيدا
تجيك ثاني اشارة وتلقى عندها بنك الراجحي على يسارك ايضا اتركها وسيدا
ثالث اشارة تجيك تلقى على اليسار شاشه كبيرة لف معها يسار يعني الشاشه تصير على يمينك
وامش سيدا اول لفة يمين ادخلها هذا هو سوق السويكت
وعاد اذاا وصلت هناك اسأل (وماضاع من سأل)
هاه كيف الوصف؟؟؟ :112:

ههه الوصف ميه ميه .. الله يجزاكم خير ....

اذا حجزت الكروت بلغنا عشان نفرح معك
والله يوفقك في زواجك وترى الزواج كذا

مرحبا فيك أخوي ، الان بيكون فندق كورال على اليمين وإنت واقف عند الاشارة طريق الملك عبدالله مع تقاطع شارع مكة طول تجيك الاشارة الثانية تقاطع شارع الرياض والراجحي يسارك وماكدونالدز يمينك أيضا عدي الاشارة وبتجيك الاشارة الثالثة تلاقي اسواق المزرعة يمينك وبلدية الخبر على اليمين ، ومع هذه الاشارة اتجه يسار كأنك متجه للدمام بطريق الملك فهد رحمه الله وطول بيجي يمينك البنك الهولندي وايضا مطعم فاكهة الوزارن بعدهم بحوالي 400 متر تجيك اول اشارة ادخل معاها يمين اللي هو تقاطع 10 بالخبر الشمالية واول ما تدخل الشارع امشي 200 متر تلاقي محلات الكروت يمينك ويسارك وبالتوفيق لك والله يبارك لك وأتمنى إني قدمت شيء جديد
أخوك / الكونترول

ماقصر اخونا الكنترول جاب الوصف الدقيق المحترم
يلا وينك وش سويت عطنا العلوم