حياك الله في الكويت...
و تمنياتي لك بقضاء إجازة سعيدة فيها...
لمعرفة الأقمشة و الأماكن الأفضل لها...
على الرابط التالي : https://artravelers.com/p/re/229509
و بالنسبة للجلابيات...
حسب خبرتي البسيطة,,,
في مجمع النقرة الشمالي و الجنوبي في حولي,
و مجمع الأوقاف في شارع السور بمدينة الكويت,
و مجمع العربيد و سوق الفروانية في الفروانية.
و بالنسبة للجو...
لن يكون بارداً,,,
إنما جميل كعادة جو شهر نوفمبر في بدايته.
تقبل تحياتي.

الاقمشه
في سوق الاقمشه البلوكات شارع مبارك الكبير
جنب غرفة التجارة و الصناعه
انصحك ب محل اجواخ ابو الحسن احسن الاقمشه الرجاليه عنده

حياك الله ستجد بغيتك في البلوكات.

وانا انصحك بالسفير شارع فهد السالم بالقرب من بنك الكويت الوطني .

مشكورين على اهتمامكم الله يخلي الكويت واهلها

هلا فيك وحياك اله في ديرتك الثانيه
اكبر تجمع في الكويت للاقمشه الرجاليه في البلوكات بجانب البنك الأهلي تلقا عمارة كبيرة مكتوب عليها البنك الاهلي والبلوكات هذي سوق للاقمشه قريبه نسبيا من سوق المباركيه
والمكان الثاني اللي انصحك فيه سوق المباركيه في هناك مكان اسمه سكه الغربلي فيها كل مستلزمات الرجل ومحلات كثيرة من اقمشه وشمغ وملابس داخليه وبجانب سكه الغربللي سوق البشوت فيه الصديريات والفرا صناعات محليه وسوريه وفيه بعد محلات للنعال النجديه صناعات يدويه يسوونها لك وانت تشوف و تختار الجلد