سعاد عبدالله اهي تصمم ملابسها
بس مادري بالمسلسل بالنهايه يحطون شكر لاسماء مشاغل موجوده بالكويت اتوقع منهم

انا اقصد مثل موديلاتها
يعني قمصان ودراريع طويلة .. فوق الركبه بشوي
شكرا لكم

بالكويت وايد منتشر بالمشاغل ويسمونها ميني دراعه

عندج المجمعات والمعارض :
منطقة الري ( معرض افكاري يم السوق الايراني ) منطقة المنقف ( فندق هلتون فيه معرض ) ،، منطقة جبلة من خلف الكنيسة ( بيت ديما ، دار يوشا ) ، منطقة القادسية ( صالة مريم ) بس تأكدي قبلها اذا في ولا لا بس اغلب الاوقات يسون فيها ..منطقة شرق يم المستشفى الاميري ( بيت ديفا ، بيت السدرة الخ ) ، منطقة قرطبة ( صالة الشيخ سالم العلي ) ، منطقة الرقعي ( فندق سفير الرقعي سابقا ) فيه قاعة دسمان يسون فيه والحين اسمة فندق رمادا.
حولي ( مجمع النقره الشمالي والجنوبي ، مجمع السندس ،مجمع بيروت ، مجمع العثمان ، مجمع الايوب ، المهلب ) ،، السالمية ( سوق السالمية ، محلات شارع سالم المبارك ، مجمع البستان )
الديرة ( مجمع الاوقاف ، البلوكات فوق عند الخياييط ) ، الفروانية ( العربيد ، الحمرا مول ، الخيمة مول ) الفحيحيل ( مجمع الدبوس ) حولي ( مجمع النقرة الشمالي الطابق اللي فوق )
ان شاء الله قدرنا نفيدج وحياج الله

روحي لبيتها ودقي عليها وقولي ابي ملابسك مااظن انها بتقول لانها فنانة كبيرة ....
انتي طالعي الدقة حقت المسلسل دقت نهاية الحلقة مكتوب لبسا الفنانه من محل يكتبونة ...

ماقصرتوا يابنات الكويت
جايين عندكم بالعيد انشالله
ووافونا بالجديد اللي ينزل عندكم ..لانه ينزل عندنا بعد فترة .. وباسعار خيالية

فعلا ملابسها مره كييوت وانيقه

حبيبتي انا بدلج مكان واحد بتلاقين فيه اللي تبين
خلي منج المعارض لان ماتدرين في شي فاتح او لا .. في العيد ماتوقع في معارض
انا بدليج مكان ثقه ومابي منج الا الدعوات الحلوه
شوفي روحي لمجمع البلوكات داخل في الديره نفسها اي تاكسي يعرفه
طبعا البلوكات كلها اقمشه طبي وتنقي
بس انتي اللي تبينها الميني دراعه تلقينها بمجمع يم البلوكات اسمه الصفاة سالي اي واحد بالبلوكات عنه بيدليج تروحين مشي يمه بضبط
صعدي فوق الدور الثاني بتلاقين هالقمصان اشكال والوان ويخيطون لج والخام من عندهم وكل شي من عندهم
بس انتي اختاري الموديل والمقاس
وايد اعرفهم ياخذون جاهز
بس نصيحتي روحي له اول الايام علشان اذا ماحصلتي اللي تبين جاهز يمديه يخيط لج بسرعه قبل تردين للسعوديه
وسلامتج