سعوديه اصيله
19-11-2022 - 09:14 am
السلام عليكم
انا محبطه جدا لاني بذلت مجهود كبير جدا في جمع المعلومات ومقارنه بين كل مكان لكن جاني احباط رهيب وعصبت:112: وبديت اراجع نفسي وافكر من اول وجديد الموضوع تصعب زياده لان معي اطفال ومابي اشحططهم واخليهم بمكان مايرتاحون فيه
يعني اشيل كانتر بري من راسي****************>>>ياسفابهاتعبت عليها
عشان كذا بما اني ام بزارين وتهمني سعادتهم اولا ويهمني موضوع دراستي لاني ناويه اكمل اذا ارتحت
وبما انك تلطفت بردك الوافي انك تخبرني اي مدينه تناسبني وليه ابي رد نهائي********>>خلاص يختي صجيتي العالم بس
مالك الا دعوه من قلب ام البزارين سعوديه اصيله واذا مامشى الحال اخلي اميمتي تدعي لك وش تبي بعد ********>>تسمع بالاسلووب
الله يوفقك
انا والله ياختي ضاق صدري , لأني ما أحب احير أحد أبد , و ترا والله الموضوع بسيط جداً جداً بإذن الله
وبالنسبة لتس انتي لا إحباط ولا شي الله يحفظتس ,و عندي لتس فكرة , توكلي على الله لكانتربري , والصغار خوذيهم كل ويك اند إلى لندن , مشيهم و خليهم ينبسطون ,لندن عن كانتربري ساعة و نص بالقطار بس
و كذا حلينا المشكلة الخاصة بالصغار, لأنه زي ماذكرتي سابقاً أن روحتكم دراسة وسياحة ولا لا ؟؟؟؟؟
وبالنسبة لكانتربري, المدينة ماهي شينة, حتى لو ترجعين لموضوعتس السابق وتقرين ردي عليتس انا ماقلت لتس شيليها من راتس , أنا ذكرت أسباب معينة مهمة بالنسبة لي, إذا كانت هذه الاسباب مهي ذاك الاهمية بالنسبة لتس فتوكلي على الله لكانتربري
إذا عندتس سؤال بالتحديد حطيه هنا