sweet haert
10-09-2022 - 09:10 pm
السلام عليكم أحبتي في هذا المنتدى الأروع والأجمل بالكون كلوة
بعد طول انتظار واحلام طويله عريضه وصبر أخيرا ان شاء الله بيتحقق حلم الطفولة
ا((ايطاليا والنمسا))
ومحتاجه فزعتكم معي الله يجزاكم خير
مدة الرحله 12 يوم جدة روما جدة بدايه سبتمبر بحول الله
سؤالي هو
كم المسافه بين روما وفيينا ؟ لأني مخططه أني اروح 5ايام فيينا ووالباقي في ايطاليا شامله زيلامسي طبعا
ممكن تساعدوني بترتيب الرحله وافضل واسرع طريقه للذهاب والعودة بين هالدولتين '''
سؤالي الثاني
بالنسبه للأيام الايطاليه كيف راح يكون ترتيب زيارة مدينه فينيسيا اروح وارجع بنفس اليوم او نجلس فيها
أفيدوني إخواني. أختكم اول مرة تسافر وماابي يفوتني شي
انا كان عندي نك ونسيته وسجلت من جديد عشان ارد عليك بس ومنها اشارك في المنتدى اللي يعتبر مرجع للمسافرين والسياح ..
في البدايه انتي عندج 12 يوم واذا تبين تروحين فيها بس ايطاليا اعتقد الجدول المناسب لها كالتالي :
لكن انتي تبين تروحين روما وتزورين النمسا وبعدين تردين روما عشان العوده وفي 12 يوم راح تكون متعبه شوي
عموما في الحاله هذي انصحك بروما وفينسيا فقط اذا كنتوا عشاق اما اذا حابه تتسوقين روما وميلانو ومن بعدها عن طريق القطار الى زيلامسي وايضا قطار الى فيينا وبعدها طيران داخلي من فينا الى روما وتباتون فيها ليله او ليلتين تريحون فيها وبعدها ترجعون بالسلامه
على فكره زيلامسي جدا رائعه وجوها رومانسي وهادي جدا لكن كثير عليها 3 او 4 ليالي لان مافيها شي قريه صغيره واي مساعده حاضرين
ومبارك عليكم الشهر وكل عام وانتم بخير