يكون من 14 الى 28 سنة ونسبة بسيطة فقط للاعمار الاخرى اذا فيه تشابه لاسماء او شي معين ويكون نادراص جداً
بالتوفيق

الله يجزاك خير .. غلبناك معانا

Impact انزين امباك انا ودي استفسر عن شغله اذا تقدر تفيدني فيها اللي صار معاي اهناك لمه وصلت مطار نيويورك JFK رحت عند كاونتر الجوازات وبصمني وسألني وين راح اسكن واشكثر المده اللي راح اقضيها بأمريكا ووين المناطق اللي بروحلها وبس ختم جوازي وقالي توكل على الله سألته مافي مكان ثاني اروحله قالي روح اخذ الشنط وتوكل على الله وانا عمري 26 ونص وزوجتي طبعا سوه معاها نفس الشئ واهي عمرها 25 ودبس ورقه بالجواز يم الختم مال الدخول لأمريكا واللي اهي جزء من الورقه اللي انا عبيتها بالطائره أوكي وبالخروج من أمريكا انا وصلت من مطار سان فرانسيسكو الى مطار jFk ولمه وصلت عند الكاونتر الكويتيه وزنت الشناط ملوتي وبس وطلعت من ورحت حق البوابه ولا احد قالي روح سو تسجيل خروج ولا شئ ونفس الشئ حق زوجتي والمشكله الاكبر اني شفت جوازاتنه ما لقيت فيها ختم خروج ما أدري شنو اسوي الحين والحين انا بالكويت اذا تقدر تفيديني اكون شاكر لك

هلا أخوي ا نا لسى وصلت أمس مطار جون اف كنيدي انا وعائلتي مع زوجتي وطفلتين اعمارهم 10 و 5 سنوات طبعاً عمري 32 سنه بالنسبه للاطفال ختم لهم الموظف وبس والمدام بصمها ،، اما انا بصمني وصورني كمان ووداني بملف الى غرفة تسجيل الدخول ا نا وكان وياي زملاي كمان اعمارهم طبعاً في نفس عمري تقريباً ..
باختصار شديد التسجيل موجود ولم يلغى بالنسبه للرجال اما النساء والاطفال فما شاهدة لهم تسجيل دخول ابداً هذا الكلام طبعاً فرش لأنه امس وشاهدت كمان رجال اعمارهم بالاربعين والخمسين بعد يسجلون لهم دخول ..
ملحوظه بسيطه / سألوني اثناء التسجيل للدخول اين جوازك القديم لاني كنت بأمريكا قبل تسع شهور بفيزة A2 وقلت للموظفه انتهى وجددته قال المفروض انه معاك الآن وبعد غيرت تعابير وجهه وسألتني عن عائلتي وينهم قلت لها بانتظاري بالخارج المهم ناظرة شوي بعدين ختمة ومشتني ولا وقتها قلت اخاف ترجعني لأني المرة الاخيره يوم مغادرتي ما سجلت خروج ولا شيء .
ما أبي اطول عليكم اي سؤال انا حاضرين .

أنا لما دخلت مطار جون كندي ختم للعائلة واعطاهم اوراقهم وانا اخذ جوازي مع الأوراق وحطها في ملف اصفر وأرسلني للمكتب وجلست حوالي ساعة هناك حتى ناداني الموظف وقالي كم بتجلس وين بتسكن من الأسئلة الروتينية قال لي انت ليه جاي هنا قلت سياحة قال لا اظن جاي تبحث عن عمل قلت له لو ابحث عن عمل ما دفعت تذاكر بمبلغ كبير ضحك وختم لي ومع السلامة . كان اكثر شئ متعب إلي هو الإنتظار في غرفة التسجيل .

انا ما عملوا معاي ولا شئ من هذا اللي انتوا قلتوا ما ادري ليش معقوله لاني شخصيه مهمه يعني او اني مراسل المحطه اهناك ههه والله ما ادري شنو اسوي هل اللي انا كنت فيه غلط او صح ما ادري وحين الخوف لمه ارجع ابي اروح امريكا المره الجايه خوفك يسوون لي مشكله وانا مالي ذنب اهم اللي طوفوني بدون تسجيل دخول وبدون خروج وما ادري شنو اسوي الحين ؟؟

ياشباب التسجيل الدخول يختلف من شخص لثاني .. و يعتمد على حسب المعلومات الي عندهم على الشخص. وحتى لو دخلوكم الغرفه تراها كلها كم سؤال وتنتهي الشغله. اتمنى ما احد يشيل عن شغله التسجيل وان شاء الله تتسهل اموره.
the-wise-man لا تخاف انت ما سويت شي غلط

fms
ان شاء الله مافي خوف بس كلام الناس يخصبق الواحد يخلي الواحد يتوتر اشوي المشكله انه انا ما سوو معاي كل اللي قالوه العالم وحته وانا بطلع من امريكا وصلت من سان فرانسيسكو لنيويورك ووزنت شناطي مثل ما انت قلتلي تذكر وبعدين دخلت صوب البوابات ملوت الطائرات وفتشوفني وبعدين لمه شفت الجواز ما لقيت الورقه اللي كانت مدبوسه فيه ما ادري منو شايلها وما قالولي روح سو تسجيل خروج ولا شئ ودخلت الطائره عادي ما ادري شالسالفه وبس ودورت بالجواز ابي اشوف ختم الخروج ما حصلت لا انا ولا زوجتي لانه اصلا ما مرينه على كاونتر جوازات ولا شفت انه في كاونتر جوازات بالمطار واحنه رادين الكويت والله ما ادري شنو السالفه

تسجيل الدخول ما زال موجود ويبدا من مطار السعوديه فيه كاونتر لازم تروح له بمطار الملك خالد وتسجل جميع معلوماتك حتى وين بتسكن ضروري
ولما وصلنا نيويورك انا اخذوا لي صور وبصموني وزوجي حققوا معاه ساعتين تقريبا وسجل دخول وعمره حول الاربعين بس ما يخوف انا بالبدايه قلقت على زوجي بعدين تطمنت لان كل اللي شغالين على الخطوط السعوديه هناك كانوا يطمنوني عليه وكانت معهم لبنانيه ومغربيه حبوبات مره ولزموا علي يضيفوني بقهوه بعد ..وتراها اجراءات روتينيه بس تاخذ وقت واحنا شعب يكره الانتظار