لا حبيبي راح تتورط
انا فندق بارك رويال اخذته بستميه وشوي ويوم رحت لهناك واشوف قائمة الاسعار مكتوب 900

طريقه حلوه وكنت افكر فيها من زمان نريح في ماليزبا .. وبعدين نبحث على مهلنا وحسب الميزانية
بالتوفيق لك عزيزي .. وياليت ان جربتها تضعها لنا بالتفصيل مع الاسعار

tiger in love
اخي .. هذا كلامي كله مجرد اقتراح .. وانا زي ما كتبت معاي عائله .. يعني والله ما اقدر اغامر علشانهم .. اذا كنت لوحدي والله لأسويها .. بس شكراً على الرد السريع .. الله يبارك فيك

ابوهاشم1
والله يا صاحبي .. ما ادري ايش اقول لك .. انا بصراحة ما سافرت ماليزيا .. ما ادري افكاري مشتته .. وهذا الكلام زي ما قلت لكم مجرد فكره او اقتراح .. بس زي ما قال صاحبنا اخاف نتورط

السلام عليكم
انسى الاقتراح هذا نهائيا
انت قلت بلسانك معاك عايله يعني مايصلح نهائيا00احنا قبل كم سنه سوينها في دبي ولا بعد انا وزوجي بس
والله تبهذلنا لانه رايحين باجازه مالقينا واذا لقينا يكون اغلى من لو كنا حاجزين قبل مانسافر مره توهقت وحرمت اسويها مره ثانيه
واذا على قولتك انه ماتضمن المكاتب او النت---الاعضاء في هالمنتدى ماقصروا ابد00اي شيء تبيه بيدلونك00
والله كنت اسال والكل يجاوب--ولا بعد بالصور--قبل فتره سالت عن فندق ويستن--وكان احد الاعضاء هناك
وجاوب على كل شيء وبالصور كمان---والان احد الاعضاء سالته وجاوب بالصور---الله يجزاهم الجنه ويفرج كربهم ويسهل امورهم
فليش الواحد يعرض نفسه للبهذله والبحث
واذا انت تقصد انك ماتبغى ترتبط في برنامج معين--ممكن انك تسويها مثلا بين لنكاوي وبياننق--يعني مثلا تحط سبع ايام مفتوحه بين المدينتين--تروح الى لنكاوي لو ماعجبتك تجلس مثلا يومين والباقي بياننق--اما انك تخلي كل برنامج الرحله مفتوح احس صعبه كذا وراح يروح عليكم الوقت بالبحث
هذا رايي---واكيد فيه احد عنده خبره اكثر مني ويعطيك رايه

اسمح لي أخي tai chi شيل هذا الإقتراح من دماغك
إلا إذا كنت تبحث عن التعب والبهذلة والمرمطة وخراب الرحلة
أول شيء مستحيل تلقى أسعار الفنادق لما تصلهم على روسهم أرخص من الإنترنت مستحيل !
هذا شيء والشيء الآخر العملية نفسها مرهقة أنت رايح تنبسط وتبسط عيالك وإلا تتهجول بهم من فندق لفندق؟
حتى لو تقول بخليهم في أول فندق ثم أروح أبحث الوقت بيروح عليك وأنت ماغير تتنقل بين الفنادق
وبتخسرك التكاسي في المشاوير وبتطلع الفرق في التكاسي
طيب وفي لنكاوي إش حتسوي لما تنزل في المطار وماعندك فندق هل راح تأخذ تاكسي وتقول له لف بي على الفنادق؟؟؟
ونفس الشيء لما تروح بينانج وكاميرون هايلاند !!
سم بالله وأعمل لك برنامج مناسب لك ولأسرتك .. فيه غرف في فنادق أقتصادية ومعروفة ومجربة وتقدر تشوف
التقارير عنها اللي عاملينها الشباب في قسم التقارير بالصور بالضبط كأنك تتجول في الفندق قبل ما تحجز فيه
وفيه شقق على مستوى وأسعارها مناسبة وأيضاً فيه عنها تقارير مصورة
كل اللي تبحث عنه موجود في هذي البوابة أنت بس شد حيلك وأقرأ وجمع معلومات والله بعد فترة راح تحس
أنك خلاص صرت عارف ماليزيا فندق فندق وشارع شارع .. كل المطلوب منك القراءة فقط وإذا اشكل عليك شيء اسأل
لكن زي ما نصحوك الشباب وزي ما قالت لك الأخت أم ميلاد : أنس الموضوع
بعدين 5 أيام على لنكاوي كثيرة جداً وأيضا مدة الرحلة 20 يوم تعتبر كثيرة .. المدة المثالية هي 14 يوم حتى ما تثقل
على نفسك بالميزانية .. والتوزيع الأمثل لل 14 يوم بحيث ماتجلس في مكان أكثر من اللازم هو كالتالي:
ليلتين : سلانقور أو بورت ديكسون أو كوالا
3 ليالي : لنكاوي
3 ليالي : بينانج
ليلتين : كاميرون هايلاند
4 ليالي : كوالا (خصص منها يوم لمرتفعات جنتنق علشان الأطفال ينبسطوا من التلفريك والملاهي)
التكلفة : برنامج مثل هذا راح يكلفك تقريباً : 14000 ريال فقط أنا حاسبها بالورقة والقلم
شاملة كل شيء ماعدا الرحلة الدولية (الفنادق والأكل والتكاسي ورحلة داخلية بالطائرة : كوالا - لنكاوي - بينانج وباص من بنانج إلى كاميرون هايلاند ثم من كاميرون إلى كوالا
وإذا احتجت أي مساعدة نحن تحت أمرك والجميع هنا أخوانك وما راح يقصروا معك

ام ميلاد
نعم كلامك في محله 100 % ان شاء الله امشي على كلامك وكلام ام ميلاد .. وان شاء الله اذا كان فيه نصيب وحصلت على اجازه ان شاء الله تتسهل الأمور واحجز وعلى قولك 14 كافيه .. بس انا مخصص خمسة ايام في جزيرة لنكاوي علشان البحر لأنني احب البحر ونفسي اجرب الغوص هناك .. يعني اخصص يومين او ثلاثه علشان الغوص .. ان شاء الله راح اخذ فكره كامله في المنتدى ..
في الأخير .. اسال الله لكم الصحه والعافيه والهدايه والنور .. زي ما نورتوني .. الله ينور عقولكم وقلوبكم بالإيمان .. آمين

السلام عليكم
انا جاي ماليزيا 03-08-2011 الى 15-08-2011 و اريد ان احجز الفنادق و الرحلات الداخليه
كوالالمبور - لنكاوي - سيلانجور - كاميرون
و اريد الرحله تبدى من الجزر
و عدد المسافرين 2 + 2 اطفال + 1 رضيع
و المطلوب في السكن فلا في المنتجع و يوجد بها بركه سباحه
ويكون شامل الحوجوزات الطيران ....