وعليكم السلام ورحمة الله وبركاته
أنصحك أولاً قبل السفر التوجه للوكيل المعتمد بالسعودية للاستفسار عن الأسعار
وثم في لندن يعطونك السعر معاه الضريبة..وبالمطار تقدر تسترجع الضريبة حسب الفواتير
وتتفاوت النسبة المئوية للأجهزة حسب السعر ونوع الجهاز أو الالكترونيات التي تشتريها
وفي رأيي الشخصي الاختلاف بالسعر ليس بفارق كبير.. حسب مارأيت عندما استفسرت عن Iphone مع سعره بالكويت
وبالتوفيق لك

اخوي prince الف شكر على ردك والي فهمتوا من كلامك انه الاسعار وحده ماتستاهل انه الواحد يشتري شئ مو مثل اول اول مانزل الايفون4 في السعودية كان 5الف ريال وفي بريطانيا 2300 ريال تقريبا

بالضبط
بس ممكن تشتري أمور ثانية أفضل وأرخص بلندن
مثل الملابس وخصوصاً ملابس الأطفال وممكن العطور أنواع أكثر وتركيز أكبر من الموجود في الأسواق العربية وغيرها...
خطط وحدد ماتود شراؤه وأسأل عن سعره قبل السفر... بداية التجارة
والله يوفقك ويردك بالسلامة

بالنسبة للاسعار ما تلقى فرق كبير يستحق انك تحرص عليه ممكن تشتري اشياء غير موجودة هنا مثل بعض الملابس والمستلزمات الشخصية او التذكارية،، والفضيات عندهم اشياء حلوة وبأسعار معقولة

حياكم الله
لندن تشتري للتميز وليس للسعر

والله استغرب من بعض الردود ..
الايفون ارخص من دول الخليج كلها .. وللعلم من نزوله الى الان وسعره ثابت اللي هو 2500 بدون تاكس فري يعني مع تاكس بيطلع تقريبا 2300 وفي دول الخليج او في قطر لاني اعرف الاسعار عندنا سعره حاليا 2600 وقبل كان قريبا 5000
والاسعار في لندن كا بضايع ارخص بكثير من قطر بحكم اني اعرف السوق القطري خاصه من الملابس والجواتي و و و الخ ..

عن الاجهزة ماعندي اي خلفيه
لكن في موسم التخفيضات كل شي ارخص من السعوديه وخاصه الاوت لوت والماركات العالميه توصل لتخفيض رائع ومناسب جدا
واذا تبي محلات ملابس رخيصه بالاكسفورد لايطوفك البريمارك حلو جدا