السلام عليكم ورحمة الله وبركاته جعلنا الله وإياكم قولوا امين ممن محرمة وجيههم على النار .
أخواني وأخواتي اتمنى من الجميع التفاعل مع موضوعي انا بالعربي وباختصار المقال مع الحسن في إيجاد الأعذار ، أبغى انشالله أدرس ماجستير ولكن هناك نقطتين الأولى أني غالباً ابغى ادرس ماجستير محاسبة علشان انا في البكالوريوس محاسبة اصلاً واريح لي مع اني ااحياناً اقول لو أحول على بنكية او مالية يكون افضل . ثانياً وهو الأهم اني حيران بين الدراسة في إيرلندا طبعاً جمهورية ايرلندا اللي عاصمتها دبلن واتمنى من اخواني سفراء وخبراء ايرلندا الجنوبية أمثال الأستاذ خالد وأخوانه ان ينفعوني سقاكم الله من الكوثر . حيران بين امريكا وايرلندا احياناً اقول امريكا علشانها سنتين اسهل وكورسات ثلاث مواد يمكن كل ترم ومريح راسي وطريقتهم اسهل على حسب الكلام العام . واحياناً اقول ايرلندا سنة وحدة وخلاص ومتخوف من نظام البحث ويمكن يكون اسهل والله ماادري . وشعب يقولون ودود على حسب كلام الخبراء في المنتدى هذا . كذا وكذا والله ماأدري وحيران وش رايكم ؟ علماً ماأعرف الكثير عن نظام البحث لأن دراستي كورسات في جامعة الملك سعود .
فأتمنى فضلاً لاأمراً تعطوني وش الفروق الرئيسية بين نظام الكورس ونظام البحث ؟ وايش افضل أيرلندا او امريكا يعني اقوى في تخصص المحاسبة ؟وبشكل عام ماأغلى امريكا مع انها قارة تختلف الأسعار او ايرلندا وخاصة اسعار السكن ؟ جزاكم الله خير . علماً اني محتاج لإجاباتكم في اسرع وقت علشان الاثنين الجاي انشالله راح ينتهي التسجيل في الإبتعاث للمرحلة الخامسة . مع اني سبحان الله معدلي حلو مرة ولكن الله ماقسم اطلع من اول مرحلة والشكوى لله . وايش افضل جامعة للمحاسبة في ايرلندا والسلام .