مرحبا اختي
انا ما قد رحت لاوروبا بس صار لي اكثر من شهر وانا اقراء وارتب
وامر مواقع الايجار سكست ويوروب كار
لاني ان شاء الله مسافر شهر عسل في شهر سبتمبر
وبادي اضبط حجوزاتي
في سكست اذا تبي سياره بقارمن فيه اضافه 7 يورو يومياً
هذا حسب ما قريت بموقعهم واذا فيه احد مجرب يفيدنا
وبالنسبه للفيزا فيه في بنك الاهلي بطاقة فيزا مسبقة الدفع
وحسب ما اعرف واستفدته من قرائتي لمواضيع الاعضاء
بالنسبه للسياره لازم بطاقه اللي حروفها بارزه
وبعدين حلوه تطلعينها برسوم قدرها 100 ريال وتودعين فيها فلوس
ومتى ما خلص فلوسك اللي ودعتيها فيها تقطينها اذا ما عاد لها لزوم معك
هذا ما استفدته من قراءتي
واتمنى اذا فيه ملاحظات من اهل الخبره التعديل والتعليق
دمتي بود

اخوي مشاعر شاعر كبف طريقتك لايجار السيارة من النت ولا من مكتب , انا بجدة وحايس حوس ابغى استاجر سيارة من النمسا وماني عارف الطريقة ارجوا ان تعطينا الطريقة اذا تكرمت

الحلم الخالد
وعليكم السلام
الرأي السديد والأفضل تشتروا من هنا جهاز ملاحة ويكون مركب فيه خرائط اوروبا
سواء تجيء من نفس المحل مركبه عليه الخرائط او بنفسك تركبه
الجهاز اللي يجئ مع سيارة الآيجار قد تكون لغته المانية وتحسكم حوس
وبعدين جهاز الجارمن المركب فيه خرائط اوروبا
فيه اغلب الأماكن السياحية والفنادق وغيرها
بس على كذا افهم انه ماعندكم احداثيات
فكذا يلزمكم معرفة اسم الفندق اللي ودك ترحوا له أو المعالم
ولازم باللغة الأنجليزية بالضبط
يعني ممكن تغيير حرف يودك مكان اخر
وتحصل هنا اللخبطه
الأفضل من هنا ووضع الأحداثيات قبل سفركم
ولازم فيزة للآيجار
تحياتي
ماري
عن طريق موقع يورب كار او موقع سكست
http://www.sixt.com/
او من هنا عن طريق الحجز المركزي ليورب كار
3أنا حجزتها العام من مكتبهم في البلد في فندق البحر الأحمر أعتقد
بس اول احجز من الرقم المركزي وجهزي فيزتك
تحياتي

الحلم الخالد
استبيحك عذراً في الاجابه على استفسار اخوي ماري
انا بالنسبه لي ما حجزت لسى بس رحت لمكتبهم عندنا بالرياض
والمكتب عطاني تقريباً نفس عروض الموقع
بس قالي نسوي لك خصومات ونضيف ملاحظاتك
لاني بصراحه ما ابي احجز من الموقع لسبب عشان اضيف ملاحظة الوقود (ديزل)
اذا عندكم فروع في جده ليوروب كار او سكست مره افضل لك من وجهة نظري
او اتصل على الرقم الموحد اللي ذكره اخوي طائر الغربه
3وعلى فكره في يوروب كار ما ياخذون فلوس الا لما تستلم السياره ولازم فيزا والاهم حروفها بارزه اخوي
هذا اللي اقدر افيدك فيه وانا خلال هاليومين بروح احجز السياره واجيب تفاصيل الاجار واذكره لكم

الاخوان كفوو ووفوو
الله يوفقهم
حبيت اضيف تجربتي عسى ان تستفيد منها
حجزت من فرع يوروب كار في الرياض وقالي الدفع هناك وتقدر تكنسل باي وقت
اخترت السياره اللي ابي ولكن بعض الشروط زي الديزل قالي
مااقدر اظمن لك قلت مو مشكله الله يسهل
عندك الموقع او الفرع حسب كلام الكثير
الله يوفقك ويسهل امورك

لاهنتوا اخواني طائر الغربة ومشاعر شاعر ماقصرتوا راح ادعيلكم طول ماني ماشي بالسيارة لاني حست ابي مكتبهم بجدة عجزت احصله
تحياتي

الله يعطيكم مليون عافيه
طائر الغربه

mr abdulaziz
ويسهل امور الجميع يارب

اختي الحلم الخالد والجميع
السلام عليكم ورحمة الله وبركاته
انا العام الماضي كنت في النمسا واستأجرت سيارة من هنا مكتب هرتز وتم الدفع من السعودية سواء كاش او بطاقة صراف او بطاقة إئتمانية، وعلى حسب تجربتي كان السعر من هنا ارخص.
متطلبات استاجار سيارة هو ان زوجك يستخرج رخصة دولية من السعودية أولأ وياخذ معه الرخصة السعودية لأن بعض الأوقات يسألون عنها مثل ما صار معي.
بالنسبة لجهاز الملاحة من الأفضل أنك تاخذيه معك وتكون عندك فكرة عن استخدامه لأن في حالة إدخال احداثية أو اسم غلط ممكن يروح فيك غرب وانتي تبين شرق. وعلى فكره هو جدا مهم ومفيد اذا اجدتي استخدامه.
عند استلام السيارة نعم يأخذون منك تأمين عن طريق بطاقة ائتمانية فتواجدها جدا ضروري.
كذلك يجب تسليم السيارة في نفس البلد التي تم استلام السيارة منها والا سوف يحسب عليكم مبلغ اضافي كضريبة تسليم السيارة في بلد اخر. ( بلد وليس مدينة )
اذا حصل لكم استاجار سيارة فاحرصوا اذا ممكن ان تكون ديزل والمحرك اوتماتيك.
عند تسليم السيارة يجب ان يكون خزان الوقود ممتلئ للاخر.
اتمنى ان اكون اضفت شيء له فائدة
موفقة بإذن الله