مرحبا اخوي
يعطيك العافيه ان شاء الله
على العموم انا دايم احجز سي فيلا عن طريق موقعهم ترسل لهم تاريخ الوصول والمغادره ويرسلولك السعر
وترسلهم رقم الفيزا عن طريق الفاكس وحتى لو الأيميل ..
وهذا ايميلهم
اتمنى أفدتك بشي بسيط

Unique Man
اخوي Unique Man ..اولاً احب اشكرك على
اسبقيتك في الردود على استفساراتي دائماً .. حيث اني اول مرة اسافر لهذا البلد الجميل .ولا اريد ان افوت فرصة او معلومة كان بالأمكان الوصول لها من الاشخاص الطيبين في المنتدى من امثالك ...
انا بالفعل جربت اني احجز عن طريق السي فيلا نفسه و اعطوني سعر 128 يورو/الليلة .. ل شهر اكتوبر..
بس حقيقة مادري هل هذا سعر معقول ام اني سوف اجد أفضل من ذلك!؟؟
شاكرلك مساعدتك أخي .. و أتمنى ممن لديه اي معلومة لا يبخل علي فيها ..
لكم دعواتي و خالص محبتي ...

مرحبا اخوي
اشكرك على الأطراء وهذا واجبنا
بالنسبه للسعر انا نفسك من قبل سكنت الفندق في اكتوبر نفس السعر (لشخصين) تقريبا نفس سعرك
لاكن اخوي تكون في اكتوبر غير الثلج ينزل طبعا حلوه بس ميته القريه في اكتوبر لكن على السعر حلو
لانه يطل مباشره على البحيره
وأسمحلي اخوي اذا ماأفدتك ابشي

السلام عليكم
آسف يمكن الرد متأخر شوي بس مثل ماقال أخوي Unique Man الحجز عن طريق الفندق نفسه أفضل ، وانا سبق وحجزت بنفس الطريقة صيف 2007 م ، والسعر تراه مره ممتاز .. والله الله في الغرفة 61 ، كلمهم أو أرسل لهم ايميل بهالخصوص واطلب الغرفة 61 بالذات .. وراح تدعي لي .. إذا قعدت في البلكون على البحيرة وخصوصاً آخر الليل ..
تمنياتي لكم برحلة سعيدة
أخوك
قانوني

قانوني محنّك
اخوي قانوني محنّك ..
لو سمحت ممكن تقارن لي بين الغرفه 61 والغرفه 42 ؟
انا نصحوني بالغرفه رقم 42 لأنها أرضيه والفندق بدون مصعد .. وأين تقع الغرفه 61 بأي دور .. وعلى حد علمي بأن جميع الغرف تطل على البحيره ...
أنا يهمني الإطلاله والبلكونه جدا جدا جدا ..
كما ارجو من لديه صيغه لمراسلة ادارة الفندق للحجز باللغه الانجليزيه لأن لغتي الانجليزيه مو 100% عكس الفرنسيه
وشكراً مقدماً ..

1. انا اقول لك

هلا أخوي
بصراحة ماني متذكر بالضبط وين الغرفة 42 ... هل تقصد في السي هوتيل فيلا أو المبنى القديم ..
على أي حال بالنسبة للغرف الأرضية في السي هوتيل فيلا .. ما أنصحك فيها .. ليش ؟

انا اقول لك

طبعاً واجهة الغرفة زجاجية بالكامل .. وهذا ينتج عنه .. قلة في الاطمئنان وخصوصاً وقت النوم .. زيادة البعوض لقربها كثيراُ من مياه البحيرة ... انعدام الخصوصية بينك وبين جارك .. حيث لايوجد أي فاصل بينك وبين الغرف المجاورة لك ( أقصد المساحة المقابلة للغرفة ) يعني بالعربي كأنك في ملحق مكون من غرفتين أو ثلاث غرف .. وكلها تطل على حوش .. يعني اطلع من غرفة وادخل غرفة .. إضافةً إلى أن مستوى الرؤية أخفض مما لو كنت في الغرفة 61 ..
الغرفة 61 .. في الدور الثاني من الفندق .. ولا تفكر الفندق كبير .. ترى كأنه فيلا من فلل ديارنا ياربي لك الحمد .. المهم هي جايه على واجهتين .. بلكونتها توفر قدر كبير من الخصوصية .. وخصوصاً للزوجة أو العائلة .. إضافة إلى إطلالة أكثر من رائعة على البحيرة وبمدى رؤية أكبر .. وأخيراً ما فيه إلا غرفتين في الطابق اللي موجودة الغرفة 61 فيه .. وبالتالي .. ماعندك أي إزعاج .. مما يحقق قدراً كبيراً من الخصوصية لكم ..
أنا ارشح لك الغرفة 61 بقوة .. وعسى ولعل أن يوافق هواي هواك .. وتدعي لي
مع تمنياتي لكم برحلة سعيدة
أخوك
قانوني

اخوي ماراح ازيد على كلام الشباب .. والحجز من الفندق نفسه افضلك اذا مالقيت عروض في بعض المواقع .. والسعر اللي حصلته معقول جدا ..
وبالنسبه للغرف كلها مطلة عالبحيرة سواء السي هوتيل او الفيلا .. والفيلا هو المبنى الجديد والافضل طبعا .. هذي صورة توضحلك الفندقين :

وهذي صورة مقربة للسي فيلا

وهذي صورة لغرفتي رقم 42 في السي فيلا

وهذي صور من البلوكونة

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآه يازيلامسي ...

اخوي قانوني محنك واخوي بيمو ..
بيض الله وجيهكم ..
الحقيقه اني مازلت محتار فيما بين الغرفتين ..
واللي زود حيرتي الصور اللي توجع القلب منك يا بيمو ..
كفايه ياخي خلاص .. الى متى تعذيب فيني ؟؟؟؟؟؟؟
بعدين أنا اتمنى اقابلك على الماسنجر لأمور هامه جداً لكن الله يسامح الاداره اللي مانعين كل وسائل الاتصال بين الاعضاء سواءً الخاص او الايميل ..
على العموم اذا كان قدرت تضيفني فأتمنى هالشي لأن ماسنجري نفس معشوقتك زيلامسي طبعاً انت عارف اسمها بالحروف الانجليزيه ولا تنسى تحط الفواصل الثلاث الاندر سكور _ بين الزيل والام والسي .. طبعاً على الهوت ميل .
والكلام للجميع .
اتمنى تكون فهمتني مظبوط ..
وتقبلو تحياتي ،،،

ههه
أبد كأنك ماسويت شي ... والله انك منسّم .....