السلام عليكم اخوي man in london_1
انا نزلت موضوع اسال عن افضل المعاهد والمدن الريفيه ومحد رد علي
عندي لك كم سؤال(معليش تحملني) / الحين اللي لغته ميح يعني مبادئ واساسيات فقط .. صحيح افهم لكن مااقدر اعبر كم يكفيني لدراسة اللغه في معهد شهرين كفايه ؟ ولا 3 شهور ؟ وكيف البدايه تكون يحددون مستواي ولا كيف ؟ وهل اخذ الدورات العاديه ولا المكثفه ؟وهل راح اطلع بنتيجه ؟وهل الشهاده معترف فيها هنا ؟

• كثير حذروني من التعامل مع المكاتب العامودي وطقته ؟ طيب لو بضبط اموري بنفسي واتواصل مع المعهد كيف بالنسبه للسكن ؟ انا + زوجي فقط ... في احدى المدن الريفيه جنوب لندن والفتره من شهرين الى 3 فقط واريد السكن مع عائله ؟

ادري كثرت عليك لكن انت كريم وحنا نستآهل .. انا في انتظار ردك ..

السلام عليكم
اختي الغاليه
لندن غاليه بكل صراحه والسكن فيها غالي
اما بالنسبه للجنوب مثلا Bournemouth السكن هناك رخيص هناك من 3000ريال الى 5000 في الشهر وتوصل اقل
وبالنسبه اذا ماتبين تتعاملين مع اي مكاتب بالسعوديه
عليك بالبدايه اختاري المنطقه هل في الجنوب او الشمال ونصيحتي لاتطلعين من هذولي لانها ارخص
اما بالنسبه لشهرين او ثلاث شهور الفايده رح تستفيدين اذا انتي معزمه تستفيدين وحاطه في بالك الشي هذا
والسكن امره سهل لاتشيلين همه بالبدايه اختاري المدينه الي تبينها في بريطانيا والتاريخ وبساعدك بالي اقدر عليه
وبالعكس اي شي يصير اكتب لي وش ودك وش تبين وراح اساعدك بالشي الي اقدر عليه
واذا اخترتي المدينه راح اعطيك جميع المعلومات الي تبينها والي تفيدك ولو تبين من وقت وصولك للمطار لين تسافرين وترجعين للسعوديه بسلامه

جزاك الله خير يالحبيب الغالي على هالخدمه الي تقدمها لإخوانك
ولدي سؤال : مارأيك بمدينة ايستبورن https://artravelers.com ؟
ايضا بالنسبه للدراسه في المعهد هل ادخل للمستوى الي ابغى ؟ ولا هم يحددون مستواي ؟
والان انا باقيلي 3 شهور عالسفر ، ايش نصايحك لي بالنسبه للإنجليزي ؟ هل اركز مثلا على المحادثات واحفظها ام القرامر ؟؟ وطبعا مالي خلق ادخل معهد لأن اغلب المعاهد هنا ماتعلم زي العالم .

مشكور أخوي .. وأنا عندي سؤال بعد عن مدينة في الجنوب اللي هي بورتسموث مارأيك فيها ؟ وكيف المعيشة هناك ؟ علماً بأني طالع مع عايلتي .

انا حابة اسألك اخوي معي طفل عمره سنه ونص وان شاء الله بجي انا وزوجي وبيرجع انا باخذ لغة وبعدين افكر اكمل كلية بس انا ابي اسال عن الحضانات هل هي امان ومن ناحية هل في عماير اخذ شقه كلها عرب والا ممكن اسكن مع عائلة واشرط ولدي عليهم ممكن تقول لي ..لاني بسكن الحالي

مرحبا اخوي
مشكور على تفضلك بمساعدة اخوانك
احب اسألك بخصوص شقة لمدة 3 شهور في لندن وتكون قريبه من ( جروفنر بلاس ) دراستي راح تكون في الكلية الاوربية للاقتصاد ese ، ياريت تفيدني بخصوص السكن شقة لوحدي وتكون شاملة كل شئ ومدتي 3 شهور
راح تبدأ الدراسة باذن الله في 19/4 الشهر الجاري
شكرا

السلام عليكم
اخوي ماجد بالنسبه للجنوب مره اسعارها رخيصه بالنسبه للندن وغيرها
والمدينه الي ذكرتها جميله واسعارها حلووه مره والمعيشه هناك مو غاليه
رهوما اختي الغاليه ياليت تحددين لي يالغاليه اي مدينه
لو نفرض تبين لندن لندن يالغاليه فيه سكن ومعاهد خاصه للبنات
والحضانه يالغاليه تراها تحصيل حاصل لو انها امان وافضل مكان الحامي هو ربي واكيد يبي يتسفيد منها ولدك وفيه اوقات راحه عندهم
ياليت تحددون لي كل شي وابشر لو تبوني اكون معكم يوم بيوم ودقيقه بدقيقه ونتواصل بكل وقت
راسلوني وعلموني الي تبونه وابشرو بس ياليت تحددون السوال
واخوي اي ام ابشر يالغالي خلال اليومين هذا برسلك كل شي عنه

حياك الله اخوي man in london_1
وياليت تعطينا معلومات يالغالي عن اكسفورد ..

السلام عليكم ورحمة الله
مرحبا اخوي بغيت اسئلك عن رئيك بدراسة ماجستير القانون ببريطانيا (علما ان معي بكالرويس انجليزي )لاني محتاره بين امريكا وبريطانيا صراحه ولاني سمعت ان بريطانيا اسهل واسرع ماجستير وهل فعلا لندن فيها سكن خاص بالبنات وان كان معي طفله 12 سنه كيف ممكن تكون اجرائاتها بالدراسه والسكن معي هناك
الله يسعدك في الدارين ويسهل امورك افيدني