أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
مرحبا شباب
باختصار انا كنت اتصفح المواضيع بطريقة عشوائية هااليومين اللي راحن
لأن كان في احتمال اني اروح مع العيال للكويت "رحلة عمل"
لكن اليوم بالذات تلخبطت وبديت أضيع المواضيع المفيدة لأن الرحلة تأكدت وقال لي رئيسي المباشر:
انت واحد من الأشخاص اللي لازم يروحون الكويت
الرحلة مدتها أسبوع
واناا محتاار وين اروح بهالعائلة "اربع أشخاص" علشان اوريهم الكويت مثل: مطاعم، مسارح، ملاعب اطفال، تسوق" رخيص طبع"، و....
لذلك ممكن الله لا يهينكم تعلموني وين الأماكن اللي تصلح لنا كعائله
السكن لا تحاتون لأنه راح يكون عند عمي "بالصليبية"
ومشكورين
هلا اخوي حياك الله شوف بقولك خوش اماكن حق العيال يستانسون فيها في حديقة اسمها حديقة مشرف بمنطقة مشرف فيها العاب ووناسه حق اليهال وفي عندك مجمع ا لاوقاف مو بعيد عن مجمع الخليجيه بالكويت وهم فيه العاب ووناسه حق عيالك واذا تبي تتمشى على البحر مع العايله انصحك بشاطى شويخ مسرحيات مااعتقد فيه الحين بهالفتره واذا تسوق في اسواق كثيره بالكويت فيه الرخيص وفي الغالي مجمعات المعروفه بالكويت مثل الفنار بالسالميه وسوق شرق على البحر ومرينا مول على البحر وفي اسواق شعبيه بمناطق مختلفه اكثر شي بحولي والسالميه وخيطان والفروانيه كلها اسواق شعبيه والمطاعم منتشره بالكويت كلها في شارع اسمه شارع المطاعم بالسالميه هذا كله مطاعم عاديه واذا تبي مطاعم فخمه 5 نجوم على البحر تحصلهم واذا عيالك ودهم يسبحون في مجمع احواض السباحه على البحر صاير ورا نادي الشعب حلو للسباحه وفي الاكوابارك بعد حلو صاير ورا ابراج الكويت وبس هالاماكن اللي في بالي الحين ونشوف الشباب اذا يقترحون عليك اماكن بعد ونتمنى لك زياره حلوه وحياك الله
اخوي العزيز شكرا على موضوعك المفيد والرائع بس احب استفسر عن المكاتب السياحيه الموجوده بالكويت والتي تتعامل مع القروبات السياحيه او غيرها اتمنى انك تزودني فيها ,, واذا لم تستطع كتابتها هنا راسلني ع الخاص ولك جزيل الشكر
..
. !( )...
!
..