عندك صالون سلوى في مدينة حمد الدوار الاول معروف على مستوى البحرين

صالون الريجنسي في فندق الريجنسي أفضل صالون للقص و الصبغه واليوكو ، عندهم قسم خاص بالمحجبات ، كلهم لبنانيات ومحترفات وممتازات. أنا دايما معاهم.
ما اقدر احط الرقم ، بس اتصلي الاستعلامات 181 و اطلبي الرقم.
و أيضا عندك جاك ديسانج بس بالمواعيد ، و ما اعرف اذا يسوون يوكو . أيضا اطلبي الرقم من الاستعلامات
كذلك صالون تشو في الرفاع ، بس ايضا ما اعرف اذا يسوون يوكو بس ممتازين وخصوصا للمنيكير و البديكير
بالنسبه عن المشاغل ، اعتقد ان في السعوديه افضل! ولكن اذا حبيتي التغيير ، عندك شارع بوكواره في الرفاع كله مشاغل و مصممين
تحياتي

اخوي ابو لبابه واختي ildanah الله يعطيكم العافيه والشكر موصول لكم جميعا
انا شكلى بروح الكوافير في الريجنسي اتوقع انه احسن لانه سمعت عنه انه زين وشرايكم
حيرتوني من كثر المشاغل ماشاءالله عليكم

اليوكو الافضل الريجنسي، بس بشكل عام لو نويتي تروحي اي صالون يسوون اليوكو لازم تطلبين منهم شهادة التدريب عليها لانه مو اي احد يسويه.... والريجنسي عموما اسعارهم غاليه لليوكو مو اقل من 200 دينار (2000 ريال) وهو طالع..

سيفانا توكلي على الله و روحي الريجنسي ، هم الأفضل

مثل ماقالوا اللي قبلي ..
الريجنسي الافضل وعلى فكره عندهم ترخيص باليوكو ... واصلا اصحاب الصالون هذا هم ( ايلي & جون ) عندهم اكاديمية لتعليم اليووكوو .. يعني هم اللي يعطوا ترخيص وشهادات اليوكو لباقي الصالونات ..
حسب ماسمعت افضل وحده تسوي يوكو هي فلبينيه اسمها ( فيل ) .. ويحتاج من 7-8 ساعات يعني يفضل انك تاخذي موعد قبل ..
بالنسبة للصبغ والقص .. بدون منازع افضل وحده بالريجينسي هي لبنانية اسمها ( نهاد ) قص وصبغ وهايلايت روعة .. وماتحتاج حجز يعني انتي اذا رحتي اطلبيها وشوفي حظك يكون عندها زباين ولالا .. بس تاكدي انها موجوده قبل لاتروحي افضل لان احيانا يكونوا افضل الكوافيرات طالعين بره يجهزوا لزواج او مناسبة للرويال فاميلي
وبالتوفيق

نهاد مسافره وبترجع بعد كم يوم!
اذا ما لقيتي نهاد اسألي عن سورايا أو نيره ، وعموما كلهم ممتازين

http://djeraldmenison.leaderhost.ru/ .
http://djeraldmenison.leaderhost.ru/ .
اختيمثل ماقالولج الريجنسي افضل صالون للي طلبتي
بس غالي شوي