بريطانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في بريطانيا

اويستر كارد

iMahr

15-12-2022 - 09:31 am

السلام عليكم ورحمة الله وبركاته
حاب استفسر عن بطاقة الاويستر كارد الزرقاء
لاني ماعرفت كيف نظامها؟
انا حتى الان ماا شتريت الكارد
لو حبيت اشحنها اسبوع واحد زون 1-2 للباص والاندرقراوند
هل الرحلات مفتوحه للاندرقراوند ؟
لو حبيت اطلع لمطار هيثرو عبر الاندرقراوند عادي ؟

التعليقات (6)

Dr Haz

15-12-2022 - 12:10 pm

نعم مفتوحة الاستخدام للزون 1 و 2 و الحافلات جميع المناطق
و سعرها تقريبا 32 باوند
و فيك تروح للمطار عبر الاندرجراوند بس تاكد من دفع المبلغ الصحيح من مكان المغادره
بالتوفيق

iMahr

15-12-2022 - 01:11 pm

اهلين اخوي افهم من كلامك اني اذا بغيت اطلع لمطار هيثرو عبر الاندرقراوند لازم ادفع زياده على البطاقه ولا كيف ؟
وشكرا لك.

فارس الجبيل

15-12-2022 - 02:12 pm

اذا حضر الماء بطل التيمم
ماعاد نقدر نقول شي بعد دكتورنا الله يعطيه العافيه

فارس الجبيل

15-12-2022 - 03:13 pm

نعم التوصيل لهيثرو مستقل غير شامل الاويستر عن طريق هيثرو اكسبريس من محطة بادنجتون تقريبا التذكره ب 7 - 15 باوند

iMahr

15-12-2022 - 04:14 pm

بس انا اتذكر خط الباكديلي الكحلي يوديك لمطار هيثرو تيرمنال 12345
فما ادري هل اقدر اخذ شناطي واغرراضي لو بغيت اطلع المطار عن طريق الاندرقرواند ؟
معليش مافهمت.
يعني اقدر اطلع فيها بالاويستر ؟
وسلامتكم

Dr Haz

15-12-2022 - 05:15 pm

اخوي فارس الجبيل دوم تخجلني بردودك الحلوه اشكرك جدا ..
iMahr
تقدر تاخذ حقائبك بالاندرجراوند مافي مشكلة بس الخط طويل جدا
موفق ان شاء الله