1. اذا تحب التزلج ,, ساحة كاتالونيا قلبوها ساحة تزلج


2. وعندك :

مرحبا اخوي صهيل_الفرس,,
الف الحمد لله ع السلامة

اذا تحب التزلج ,, ساحة كاتالونيا قلبوها ساحة تزلج

وعندك :

الباص السياحي من ساحة كاتالونيا , لونه اخضر فاتح وشعاره عين ورموش ملونة, (اماكن بيع التذاكر في ساحة كاتالونيا) وتختار المسار الازرق , وبتطلع معاه لملعب برشلونة Camp nou والمتحف داخله وبتطلع لحديقة Parc guell وكنيسة Sagrada Familia ومتحف بيكاسو وبعض مباني جاودي..
وعندك شارع الرامبلا وتمشي فيه الى النهاية لين توصل دوار مكتوب عليه (colon) وبعده بتشوف البورت , تطلع رحلة بحرية (ساعة ونص) , وبعدها ترجع وبتشوف ع اليمين مجمع Maremagnum , وخلفها لوحبيت تروح الحديقة المائية Aquarium , وبعدها تروح شاطئ برشلونة La playa ..
وبعد من ساحة كاتالونيا تنزل في محطة القطارات وتاخذ القطار اللي يروح التبيدابو وبتنزل منطقه وبعدها تركب ترام (عربة قديمة تنقلك لأعلى الجبل) وهذي اعلى منطقة ببرشلونة وفيها قصر التيبيدابو ومدينة الملاهي Tibidabo hill..
وعندك منطقة قوس النصر arc de triomf وجنبه فيه حديقه اسمها سيوتاذيه وداخل الحديقة فيه حديقة حيوانات..
وبكرة (السبت) اطلع ساحة اسبانيا ,, واحضر عروض النافورة الموسيقية من 7 - 9 الليل.. (لانها بس يومين بالاسبوع : الجمعة والسبت)..
وفيه اماكن مثل : عروض فلامنجو(من شارع الرامبلا تروح لساحة اسمها Plaza Rial - تقام فيها عروض فلامنجو وتبدا من 8:30 الليل والعرض نص ساعة) , المتاحف كثيرة , القرية القديمه Poble Espanyol village , الحي القوطي Barrio Gotico)..
واذا تحب اماكن سهرات ,, عندك منطقة Villa olympic ,, فيها مطاعم ومقاهي كثيرة وماتقفل الا 3 والويك اند 5 الصبح..
موفق ان شاء الله

ثانكس اخوي
بس انا ركبت باص التوريست وما خذني ل قاودي
وبعدين عندي استفسار
كيف اروح ملقا او غرناطة او الاندلس
والاستفسار الاخر
كيف احجز تذاكر الكامبنو
هل الانترنت احسن والا بحصل تذاكر عند الكامبنو قبل المباراة ((هل هناك فرق بالاسعار))
وشكرا اخوي يجزيك الله خير

صهيل_الفرس
مرحبا
تطلع الى ملقا بالطيران الداخلي : عندك طيران Vueling والحجز من هنا : http://www.ryanair.com
معلومة عن طيران Ryanair : لازم تطبع ال Chick in بيرسلونه لك ع الايميل بعد ما يتم الحجز ,, واذا ماطبعته بتدفع 40 يورو في المطار..
التذاكر للكامب نو: اما تشتريها من الكشكات في شارع الرامبلا , او من شباك التذاكر للملعب,, وارخص شي تروح قبل المباراة بساعة ونص للملعب وبتشوف كثير كبار في السن عندهم بطاقة عضوية في نادي برشلونة وتتفاوض معهم على السعر وبيدخلونك للملعب وبعدها تدفع له سعر التذكرة..
يوفقك ربي ان شاء الله

شكرا اخوي وان شاء الله بكرة اجيك وارد لك خبرر

صهيل_الفرس
العفو .. رحلة موفقة ان شاء الله

بشر
كيف البرد ؟؟؟
وكيف الثلوج وياك في برشلونه

اهلين اخوي سبع
ماشيء ثلوج ولكن برد من 9 الى 16 درجة

الاخ لوونلي عندي سؤال لو سمحت
هل الشراء بالفيزا كارد يعادل دفع الكاش..
لان احد الاصدقاء خبرني بانه هناك رسوم اكثر عند الدفع بالفيزا كارد نظرا الى تغير العملة..
وشكرا

صهيل_الفرس
مرحبا اخوي
صح كلامه,, الدفع ببطاقة الفيزا بيكون اكثر لوجود (فرق العمله في الصرف لدى البنك)..
موفق ان شاء الله