Queen Elizabeth
27-09-2022 - 04:09 pm
بسم الله الرحمن الرحيم تحية الى جميع أعضاء هذا المنتدى الشامخ الذي اصبح مرجع الجميع قبل سفرهم ان شاء الله ناويين نسافر سويسرا و فرنسا طبعا ان شاء الله بتكون ثاني سفرة لنا لأوروبا طبعا اني قرأت الكثير من المواضيع في بوابة سويسرا و فرنسا بس محتاجة رأيكم في الخطة المبدئية السفر اذا الله راد بيكون في بداية مايو محتارين متى نبدأ نعمل حجوزات الطيران و الفنادق بنسبة للأسعار الخطوط السعودية ارخص شي اما حجوزات الفنادق احس كل ما تأخرنا ما راح نلقى في الفنادق الجيدة مدة الرحلة 14 يوم او 15 يوم الأعتماد بيكون على المواصلات العامة مفكرين نشتري السويس باس لشخصين لمدة 8 ايام ابغى رأيكم في توزيع الأيام و الفنادق و اذا تقترحوا علي فنادق اخرى بشرط ما تزيد الليلة عن الف ريال و اهم شي تكون قريبة من وسائل المواصلات البداية جنيف لمدة يومين الفندق المقترح: النوفتيل او هوليدي ان المطار بس اخاف يكون بعيد عن السنتر و المواصلات انترلاكن لمدة اربعة أيام الفندق المقترح: ليلتين في برينزسي بس ما ادري اذا يوفرون باص للسنتر ليلتين عاجبني فندق قولدي بس اخاف يكون بعيد عن محطات القطار اذا مشي 15 دقيقه عادي او فندق رويال ست جورج زيورخ لمدة ثلاثة ممكن نزيد يوم اذا بنروح اليورب بارك الفندق المقترح : السويس اوتيل او نوفوتيل سيتي ويست بنسبه لزيورخ هل استطيع زيارة هايدي لاند و شلالات شفنهاوزن في يوم واحد باستخدام المواصلات العامة باريس لمدة اربعة ايام الفندق المقترح : بولمان تور ايفيل
الميزانية المقترحة: 35000 بدون تسوق منتظرة ارائكم و تفاعلكم هذا اول موضوع لي
هلا وغلا كوين ..
سؤال قبل الاجابه !
ليش مستبعدين فكرة السواقه ! صدقيني ماراح تتحسفون + توفير للوقت والمال ..
زيوريخ احس واجد عليها 3 ايام !
جنيف الافضل اتكونون قريب من السنتر ..
احلى شي موعد سفركم في احلى وقت ..لأنه قبل الزحمه وقبل ماترتفع الاسعار ..
فندق برينز سي سكنته وقولدي مريته بس ماسكنته ..مشكله وحده في البرينز سي ما اعجبتني ان اي حد يمشي في الممر ينسمع صوته ..
وكنت اروح مشي من الفندق لين وسط انترلاكن مع العلم امأجر سياره بس الجو لايقاوم وكان وقت رحلتي نفس وقتكم ^_^
لنا عوده ان شاءالله