الجو بشهر خمسة روعة.. انا احب شهر خمسة للسفرر
بس عزيزتي ترى مو كل 3 نجوم غرفهم شينة.. ترى تصنيف الفنادق ونظافتها في اوروبا يختلف عن الدول العربية.. يعني 3 نجوم وتلقين شي حلو احيان كثيررة
السكن.. انا اشوف تتركوا سالفة الفندق خير شر وتاخذون شقة حلوة بتطلع عليهم في الاسبوع 550 - 600 باوند.. هذي الاسعار الطبيعة للشقق في هالشهر.. توفرون كثير وتنبسطون
اما من ناحية المشاوير.. عادة الناس تستعمل الباصات + الأندرقراوند.. اما اذا امكانيتكم حلووة فالتكاسي بكل مكان لكن المشاوير جداً جداً جداً غالية
بغض النظر عن غلا اسعار التكاسي.. الباصات والأندرقراوند لهم متعة مو طبيعية.. والي يسافر بدون مايستعملهم سفرته افتقدت شي حلو
الصالونات بكل مكان وبكل الشوارع تلقين صالونات.. في كم صالون في الإدجوار يمدحوونهم البنات صبغ وقص وحمامات مغربي وغالباً عندهم قسم للمحجبات لكن مامرة رحت لهم.. أنا اي صالون القاه ادخله واشوف اذا عندهم غرف خاصة لو بارتشنز.. او الوقت ا لي مايكون فيه رجال.. لأن احب اجرب ولأن بعض الصالونات تكون مو معروفة لكن شغلها مرة حلوو
المطاعم اللبنانية بكثرة.. في بالنايت بردج + الإدجور + كنسقتون (هذي المنطقة حلوة ورايقة للسهر بس ماتكون زحمة خليجين زي النايت بردج والإدجور) البيكادلي فيه مطاعم ماعتقد فيه لبناني لكنه جوه جو سهر وكوفيهات
4يوم حلوة لو رتبتوا سفرتكم ووفرتوا من مصاريف التكاسي خليتوها للشوبنق والمطاعم والطلعات.. وطلعتوا على كم مدينة قريبة للندن لو أرياف لندن.. يعني في شغلات كثير تستاهل برى لندن