مدام صالح
22-11-2022 - 06:19 am
السلام عليكم حنا رايحين للندن اول مره وعددنا 4 اشخاص انا وزوجي وطفلين 4و3 سنين وراح تكون مده الاقامه12 يوم من26-6 الى8-7 والسكن في شقه مفروشه في الاجووار رود ابي الله يعافيكم جدول يومي يناسبنا حنا والاطفال مع العلم ان زوجي يقول ماراح نطلع برا لندن والاسواق بس مقررين بلو واتر وويست فيلد الله يعافيكم الخميس سفرتنا وابي الفزعه من القطري وباقي الاعضاء خبراء لندن
ما بقى شب على السفر .. بس علمينا شنو الاماكن اللي ودج تشوفينها؟
انا باقولج اهم شي مقتبسه رد على احد الاعضاء :
اهم الاماكن السياحيه ::::::
لندن اي
جنبها الاكواريوم
جنبهم : لندن داك تاور : و هو عباره عن سياره تمشي توريك أهم معالم المنطقه و تدخل تمشي بالماي
و الاحسن منها : البيق باص لكنه ما يدخل بالماي ... البيق باص يوريك كل الاماكن السياحيه بلندن من غير ماتنزل ... تشوفها و انت قاعد و أنصحك تقعد بالدور اللي فوق عشان تشوف عدل
البيق باص له محطات كثيره تقدر تركب فيه .. منها عند بوابة الماربل ارش و الهايد بارك كورنر
و فيه سجن القلعه السري ... رعب ... بس ما اعتقد انه يعجب الوالد و عمك
تخيل تدخلهم و هم ما يدرون انه رعب ههه
و فيه متحف الطبيعه روعه و جنبه المتحف العلمي فيه سينما ثري دي تجنن : في منطقة كرومويل : بالانجليزي : ناشيونال ميوزيام و ساينتيست ميوزيام
و مدام توسو او متحف الشمع ... فيه مشاهير من شمع ... مدري يعجب الوالاد ولا لا !!!!
الصراحه الشياب تحتار بذوقهم انت قول له و ان عجبه روحوا شوفوه
و للتمشي ... الهايد بارك و الرجنت بارك و بكادلي و ترافلجار
و فيه حديقة جرنتش و كيو جاردن .... بس بعيد و يمكن ما يمديكم الوقت !!
هذي هي اهم الاماكن
أنصحك تخلي كتاب باي باي لندن معاك ... فيه كل الاماكن السياحيه و طريقة الوصول لها
اما بالنسبه لفندق ... دام انكم اول مره تجون لندن ... الاحسن خليكم في الاجورود .. كله عرب و قريب من الاماكن السياحيه و من الهايد بارك
انت قلت ما تبي تتسوق ... بس احتياطي اعرف اماكن التسوق عشان لو حبيت تشتري هدايا للاهل :
شبر بوش ماركيت : سوق شعبي و رخيص
شارع الاكسفورد و الاجورود : جنب بعض