و عليكم السلام و رحمة الله
كم شخص انتم و ايش نوعية السفرة و كم المدة
و ياليت تاخذ جولة على المواضيع المميزة علشان تاخذ فكرة اكثر
تحياتي

1 - كيفية الحصول على التأشيرة ... شروطها ... مدة الحصول عليها ... قيمتها ..؟
كشف حساب ساري المفعول باللغة الانجليزية لمدة 3 اشهر على الاقل
تعريف بالراتب من العمل اذا كنت موظف حكومي او تعريف بالراتب مصدق من الغرفة التجارية اذا كنت في عمل خاص او شركة خاصة
صورتين شخصية مكشوف الرأس
وتدفع رسوم الفيزا
وعندك طريقتين اما انك تروح تراجع السفارة بنفسك وتخلص متطلباتك
او انك تعطيها مكتب وهو يسويها وهذي اريح
مدة الحصول عليها اعتقد الاسبانية يعطونك شهر
القيمة من 450 الى 850 تختلف اذا انت بتروح السفارة او بتراجع فيها مكتب وكل مكتب عن مكتب يختلف السعر
المدة اقصى حد اسبوعين الى 3 اسابيع في الصيف
2 - الطيران ... افضل خطوط للسفر ... واسعارها تكون رخيصة ...
ملقا مافيه خطوط تروح لها دايركت الا السعودية في الصيف
عندك الفرنسية والبرتش اير ويز والكي ال ام بس البرتش ما اعتقد تطلع من جده
3 - انا ناوي اروح ( ماربيا ) و ( ملقا ) وش رايكم ... وهل فيه مدن ثانية تستحق الزيارة ؟
ماربيا وملقا في هالوقت بتكون حلوة اذا رحت لغرناطه والاثار الاسلامية اللي حولها بس ماربيا لحالها ما تصلح الا صيفا
4 - الفنادق في ماربيا ( تكون نظيفة وسعرها معقول ) وكذلك في ملقا ... ؟
بالنسبة لي ماربيا فنادقها رائعة واسعارها بالمقارنة باسعار اوروبا حلوه
الاماكن اللي تستحق الزياره في المدينتين ... وطرق المواصلات فيها ... ؟
عشان تخطط للسفرة صح مر على التقارير بتلقى اشياء حلوه جدا