امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
bader_75
03-02-2022 - 10:59 am
ان شاء الله بعد اجراءات الفيزا انا رايح في شهر اغسطس شهر كامل سياحه الى امريكا ومدنها الجميله بس مدري كيف السكن هناك علما ان رحلتي سوف تكون اقتصاديه مافيها يعني فلسفه زايده طبعا انا لغتي ولله الحمد جيده جدا يعني ادبر نفسي في كل شي تقريبا كل المشكله ومافيا انها اول مره ومدري كيف الاوضاع طمنوني يأعضاء المنتدى الغراء وشكرا لكم


التعليقات (7)
hamad_555
hamad_555
bader_75
انا نفسك بالضبط ان شاء الله ناوي السفر للسياحة واول مرة راح اروح امريكا
اذا ممكن احد من الأخوان يعطينا برنامج كامل لمدة شهر
انا حطيت خطة عشوائيه اللي اهي :
اول 15 يوم اورلاندو + ميامي بعدين كاليفورنيا ( لوس انجلس ) 5 ايام بعدين 5 ايام لاس فيجاس والنهاية تكون في نيويورك .
بس ياريت كل ولاية وين الأماكن التي تستحق الزيارة علشان ما يفوتنا شي ان شاء الله .

رشاش
رشاش
15 + !!!
..

sami567
sami567
فعلا اورلاندو يكفيها اسبوع وزيادة عليها
ممكن مدن ديزني لاند تزور كل يوم مدينتين

ناصر كويتي
ناصر كويتي
bader_75
امريكا كبيرة اخوي بس لو تقول وين تبي تروح ممكن اساعدك والاخوان قالوا فلوريدا وهي رائعه ورخيصه بالنسبه لكل امريكا وتستاهل الزياره وفيها كل شي ولوس انجلس تبعد عن فلوريدا 5 ساعات بالطيارة يعني سفر مو شي سهل وتستاهل بعد بس انت قوللي وين تبي تروح اقدر اعطيك برنامج يساعدك

ناصر كويتي
ناصر كويتي
  1. bader_75

  2. ولدي الحبيب بدر ( انا اسمي ناصر وانت ولدي بدر )


bader_75

ولدي الحبيب بدر ( انا اسمي ناصر وانت ولدي بدر )

العفو والله يستر عليك وتروح وترجع بالسلامه اول مره رحت امريكا كانت 1998 وكانت عن طريق جده والطيران السعودي الحقيقه كان مسوي تخفيظات رائعه وخصوصا كانت الرحله دايركت من جذي اخترتها وطرت عليها وكانوا قبل السعوديين تارسين اورلاندو حتى تعتقد انك في جده مو في امريكا ماشاء الله من كثرهم وبعد الاحداث طبعا توقفت السعوديه والسعوديين بعد غيروا وجهتهم وذلك بسبب الفيزا والمضايقات بعد الاحداث فقط
اما الحين ابشرك مافي شي والامور طيبه وامان واورلاندو سياحيه من الدرحه الاولي يعني كل الناس في كل العالم تروح لها تصور في السنه يجيهم 30 مليون سائح شي مو طبيعي
المهم بالنسبه لشد الحزام ما انصحك فيه لانك رايح تتونس منت رايح تشتغل السكن انصحك تحجز من السعوديه وفي الانترنت وفي في بوابه امريكا عناوين كثيرة عن الحجز
يعني لاتتوقع تروه هناك وتدور فندق لان اورلاندو كبيرة مو صغيرة انت تنزل هناك وتاخذ تكسي وعلى طول الفندق
اذا تبي تاجر سياره انصحك في منطقه اسمها كسيمي وهي رخيصه ويمكن تحصل الفندق او الموتيل مايتعدى 30 دولار اما اذا ماتاخذ سياره انصحك تسكن في الانترناشيونال درايف وهو شارع مشهور عندهم وفيه كل شي مطاعم ومحلات والعاب واسواق بس السياره ضروريه جدا
بس قوللي انت تبي تروح مع منو يعني عايله ولا شباب
وانا وياك على الطريق خطوة خطوة

bader_75
bader_75
الله يكثر من امثالك ياستاذ ناصر بصراحه انت كفيت ووفيت وسعر الفندق اللي قلتلي عاجبني مره وكنت حاسب اكثر من كذا بصراحه وانا مو قصدي شاد الحزام يعني اضيق على نفسي بالعكس ان اذا ماسهرت في كل يوم يضيق صدري بس قصدي يعني مو زي الشباب الثاني وانا اهم شي عندي السكن يكون نظيف وفسح كل يوم وكل شوي تصوير هنا وهناك واحب اتعرف على اصدقاء من نفس البلد عشان نتبادل الاراء والثقافات بينا وعلى فكره ان شاء الله راح استأجر سياره لمدة شهر صغيره وتؤدي الغرض المطلوب وكل الموضوع ومافيه اني راح استكشف امريكا لأول مره والزيارات الثانيه تكون بإذن الله احلى بكثير بحكم الاستفاده من المواقف السابقه وتصحيح الاخطاء:112: التي ارجوا ان لاتكون فيها أخطاء واشكرك ياستاذي ناصر وان شاء الله راح استفسر منك بأسئله ثانيه ان شاء الله قريب شكرا لك .

hamad_555
hamad_555
na9erq8
الله يعطيك العافية على هل معلومات بس اذا ممكن عندي جم سؤال ..
  • كم تبعد المسافة بين كسيمي والأنترناشونال درايف ؟
  • الأماكن الضرورية والسياحية التي يجب على كل سائح زيارتها ؟ ( علشان ما يفوتنا شي )
  • كم يوم يكفي لولاية فلوريدا ( اورلاندو + ميامي ) ؟

ومشكور


خصم يصل إلى 25%