اخوي 12 يوم على كل المناطق قليل ياتزيد المده او تنقص المناطق يعني تخلي بوكت 5 وبتايا 4 وبانكوك 3
وعلى تخطيط الفلوس بتروح على التنقلات واذا بتاجر طراد بيكون غالي وبعدين انت بروحك شنو بتسوي فيه وحتى لو كنتو اثنين الطراد الخاص حق قروب 5 وفوق
ومن ناحية الباص من بوكيت الى بتايا بيروح عليك يوم كامل وبتكره السفره لانك بتتعب
من راي بما انك اول مره تروح تختار منطقتين او 3 من بانكوك-بوكيت-شانغماي-بتايا
وانا انصحك بوكيت وبتايا واذا بتشتري اغراض تروح بانكوك بس انت ميزانيتك ماتسمح للتسوق يعني بس خفايف
وتقدر تشتري من بوكيت او بتايا

والفلوس تاخذهم كاش وتحطهم بالسفتي بكس بالفندق وكل يوم تاخذ مصروفك اليومي

يا خوي تبي النصيحة لاتسافر لوحدك بحكم انك تزور البلد لاول مره ... شف لك خوي وونيس عشان الملل لايصيبك

مشكورين شباب بس بغيت اعرف هناك امان ولا لا
لانه انا سمعت وايد سوالف هناك

هلا والله يا اخوي
انا انصحك في كرابي وبوكت وبانكوك شلك بالخراب بتايا
والفلوس ان شاءلله راح تكفيك اذا انت عرفت شلون تتحكم فيهم
وتحدد ميزانيتك
اخوي نصيحه مني اترك عنك بتايا مافيها شي وماتنفعك اشبع نفسك بالوناسه والفرفشه ورااحت البال في بوكت وكرابي
واذا لقيت خوي سافر معاه وان ماحصلت ماعليك شر وسافر وبتلقى الاحباب هناك بكل مكان والديره امان وبخير وماعليك بكلام السطو والمشاكل وكلام فاضي هذا ترى
وبالسلامه
وترى اذا على الفنادق انا بضبطك بفنادق في بوكت وفي قمة الرخص وامان ونظافه وعال العال حتى في بانكوك
وبالنسبه حق الفلوس تحولهم كلهم دولار ماعدى 30 دينار الى بات حق اول يوم
والباقي دولار وهناك بتخليهم بسيفتي بوكس مثل التجوري وكل يوم يومين تاخذلك بيزات للمصروف
وترى احنا الكويتيين مانحتاج فيزا للمعلوميه

مشكور اخوي ليمونه
على النصيحه بس بغيت شلون اوصل حق المنطقه هذي khao sok انا ودي اسكن بوسط غابه وانا شايف بيوت او كوخ من خشب مسويه على الشجر موطبيعي

1. هلا بالحبييب

هلا بالحبييب

انا سافر العام بروحي ورحت بوكت وبانكوك ويوم واحد بتايا اسمع حبيبي بالنسبة لي بوكت هي ارقي منطقه في نظري ولاكن غالية شوي بالنسبة الي المناطق الباقية وقعدت فيها خمس ايام وستانست بروحي ولاكن لو كان معاي واحد من الربع الخاصين اكيد راح استانس اكثر واكيد راح ارتاح ماديا لا بعض المصاريف راح تنقسم على اثنين علي العموم مو مشكله كبيره بروحك ولا مع احد ثاني تايلند ارض الوناسة والامان بنسبة لي مية مية ليش لان الاماكن المشبوه هي اللي تجيب المشاكل يعني ابعد عن الشر وغني لة حاول تكثر فلوسك لا البرامح والتسوق مغري جدا يعني ماراح تمسك ايدك والاكل في بوكت غالي خاصه مطاعم العرب يعني مثل الكويت او اكثر شوي
انا رحت رحلات
بي بي ايرلند جدا حلوه
في رحلة تلف فيها بوكت مو ذاك الزود ما انصحك فيها
سباق سيارات جدا ممتع انا ماراح بس بروح لها بعد العيد
فنتازيا ايضا يمدحونها هم بروح لها
جيمس بوند من كثر ما سمعت عنها تشبه بي بي
اما بانكوك
مارحت رحلات خلصتها تسوق ثلاث ايام الزين فيها الصرف كان جيد وسكنت في جريس خوش فندق ولاكن هو في الليل يتحول الي مكان سئ جدا ولاكن موقعه جيد جدا وهي ارخص من بوكت وفريت مجمعات كثيره وما عجبني الا ام بي كي
اما بتايا
رحت لها يوم واحد زاير صديق كانت ما تختلف عن بوكت ولاكن اقل منها مستوى وارخص من بانكوك و فيها وناسه مو طبيعية ولاكن عن تاجيرك الاسيكل انتبه من الشرطه يوقفونك ويطلبون رشاوي
اتمني لك رحلة موفقه وراح تكون موفقه ولاكن بشرط مخافه الله والابتعاد عن اماكن اللهو والمعصية
اتمني اقراء تقريرك واشوف صور كامرتك بعد العوده الي الكويت الحبيبة

ان شاء الله اخوي بحطلكم صور ان شاء الله تعجبكم ومشكور اخوي والله عااد اليوم بغيت اسافر بس تفشلت من رفيجي يبي اي معااي يقول الخميس يعني اسبوع الياي وانا موقادر اصبر من كثر الوناسه

موفق يا رب بالسلامه