عزيزي اذا انت رايح لوحدك او معاك شباب انا انصحك اول تروح الى بتايا فيها البحر وكل الى تبغى تماشي تسوق سينما مطاعم عربية ومطاعم اكل بحري في كل مكان بس طب وتخير.ثاني شي بتايا ملمومة تقدر تفرها بنص ساعة اذا معك دباب انا انصح فية اذا انت تعرف تسوق. بعدين المكاتب في كل مكان تقدر تدور على الي تبغى. اسعار الطيران لا تتعب كثير ان لقيت حتلقى فرق 200 الى 300 بات ما تسوى التعب .علمني ايش وضع الرحلة . اقصد شباب او عوائل ابشر بالخير.......

اخوي فارس الشرق
الرحله شباب
بعطيك الف عافيه
انتظر ردك السفر قرب
واعيد اقول الف الف الف شكر

اجل مدام الرحلة شباب احسن . اسمع اول ماتطب تايلند خذ التاكسي من المطار الى بتايا من 1500 -الى 1300 بات انت وشطارتك .مادري عن الميزانية عموما لا تأخذ فنادق من المطار اذا كان مامعاك حجز من بلدك. اذا كنت حاجز من بلدك انتهت المشكلة. اذا لم تكن حاجز زي حالاتي ما عمري رحت الى تايلند ومعي حجز بس بحكم اني اروح لوحدي. اذا انت من السعودية وشكلك كذا . انا ماأنصح تاخذ شي من السعودية بحكم المكاتب مالها ذاك التعامل القوي مع الفنادق والمكاتب في تايلند . عموما وصلت بتايا رح لفندق اسمة رايت سبورت هو مو فندق اقرب مالة يسما نزل . يعني اهم شى نضيف ويمشي الحال يوم خذ فية ليلة واحدة بس اخاف الوقت هذا ماتلقى حجز عمموما ان لقيت او ماهي مشكلة رح المكاتب مليانة واقعد تفرج وكاسر الين تلقى غرضك. اجلس في بتايا من 4 الى5 ايام تفرج على الديرة التي لا تنام . بعدين سويلك حجز على جزيرة اسمها كوسموي هذي مجنونة الجزيرة الوصول اليها بالطائرة من بتايا ما يحتاج انك تروح بانكوك . او جزيرة اسمها معليش اكتبها انجليزي koh chang يعني كوة شانق اي جزيرة الفيل هذي جنة بس هادية نوع ما وحولها جزر صغيرة حلوة مرة تقدر تروح لها من بتايا على الباص 400 بات بعدين عبارة 20 بات المشوار كلة مايتعدى الثلاث ساعات مع كل شى حدد اي الجزر تبغا وان افصلك ايها تفصيل.

اخوي قارس الله يعطيك الف الف عافيه والله انك ما قصرت معاي
بتايا وانتهينا منها
اللى كنت ابي اقوله انت تنصح اني ما اجلس في بانكوك
وبعدين وش رايك ب فوكت
ولك رساله على الخاص

حبيب قلبي وضح انت مسافر عائله ولا شباب
اذا عائله ركز على بوكت وشانق ماي اكثر ولا تقرب بتايا
افضل طيران داخلي عندهم الخطوط التايلنديه يسمونها تاي ايرلاين
اذا تبي اسواق وتسوق بانكوك

انا مسافر عزوبي لوحدي

انصحك
بانكوك ليله واحده للراحه
ثلاث ايام شانق ماي
خمس ايام فوكيت اكثر او اقل براحتك ( فوكيت بلد بحر )
خمس ايام بتايا اكثر او اقل براحتك
الباقي بانكوك
شانق ماي لازم تزور الشلالات و عرض القرود وعرض التعابين وممكن تروح لمكان فيه رمايه
تجرب تطلق بكل انواع الاسلحه ( شدقن - ماقنم - 9ملم ) مره رايق النادي
بوكيت جزيره يوم لجزيرة بيبي
يوم لجزيرة جيمس بوند
يوم اختياري بالنسبه للبحر ممكن تعمل ( غطس - تركب براشوت - ممكن تركب بنانا - جيت سكي )
الليل لازم تحضر فانتازيا
اي استفسار انا حاضر والاخوان ما حيقصرون معاك

اخوي تاتو ما قصرت والف الف شكر على تجاوبك

بالتوفيق يارب ورحله سعيده