السلام عليكم
اتمنى بعد اذنكم اتساعدوني في رحلتي الى تايلند
ان شاءالله ناوي ازور ماليزيا وتايلند على شهر جولاي
والترتيب بكون كوالالمبور 5 ليالي
بوكيت 4 ليالي
بانكوك 5 ليالي
انا سبق وزرت ماليزيا وسبق وزرت بانكوك
وبنسبة لبوكت فهي اول مره
اول شي ابي اعرف شنو احسن خطوط ممكن ينقلني من كوالالمبور الى بوكيت
ونفس الشي من بوكيت الى بانكوك
وابي مساعدتكم بلفنادق في بوكيت ابي فنادق حلوة واسعارها مناسبة
دخلت على بوكنق ولاكن ماعرفة افضل شي خصوصا ان في اكثر من شاطئ
وبحكم انها اول مره لي في بوكيت فمادري شنو الافضل اتمنى ماتبخلون علي بقتراحاتكم
وبنسبة لبانكوك سبق وزرتها وسكنت من قبل في فندق على ما اذكر اسمه جراند مب عارف بظبط بس كان قريب من المستشفى الامريكي
وابي اعرف الفنادق الي تنصحوني فيها في بانكوك احنا بنكون 2 شباب وبروح سياحه
بس انا امفكر دامني رايح ليش ما افحص بلمستشفى الامريكي بلمره فمادري
تنصحوني اسكن قريب منه ولا لا
وقالولي عن منطقة سيام فمادري هل هي بعيده من المستشفى الامريكي ولا لا
وابي مقترحاتكم بلفنادق انا في بالي فندق الاند مارك لاني اذكره قريب من المستشفى الامريكي
وحصلت فنادق حلوة في سيام لهشي متردد ابي مقترحاتكم بفنادق حلوة وماتكون بعيده من الاماكن السياحية ويكون سعرها حلو
واسحولي لو بتعبكم وياي وان شاءالله بعد ما اثبت الفنادق انتقل الى الجدول والاماكن السياحية
واتمنى اتساعدوني
وشكرا