السلام عليكم ورحمة الله وبركاته
اخواني واخواتي الكرام اتمنى حسب خبرتكم في امريكا تساعدوني في مخطط رحلتي لأمريكا
علما انا من مواليد امريكا وكمان رجعت عشت فيها قبل 15 سنه تقريبا لمدة سنه لكن مانسيتها ابدا واتذكر تفاصيلها رغم ان من زمان عنها
وزرت نيويورك واتلانتا وميامي واورلاندو وواشنطن دي سي والاباما وكاليفورنيا وساننتينيو ولاس فيقاس ولويزيانا
يعني موجديده علي
لكن هالمره غير وناويه اروح رحلة العمر انا وزوجي لمدة شهر وننتظر نعرف متى اجازته لكن هي يا برمضان الجاي او شوال ويارب بشوال
وفي بالي خطه مبدئيه وياليت تساعدوني فيها ونتمنى انا وزوجي تكون رحلتنا الى لندن حتى نرتاح كم ساعه ثم نكمل لنيويورك
مخطط الرحله
الرياض _ لندن _ نيويورك
وبعدين انتوا خبروني كيف اقسم الأيام بين هالولايات واذا تنصحوني بولايات اخرى اتمنى تفيدوني
نيويورك _ نياجارا _ ميامي _ فلوريدا _ اورلاندو _ واتمنى ازور لويزيانا
ونهر الميسسبي لأن لي ذكريات جميله فيه
ومحتارة بين لوس انجليس ولاس فيقاس هل تستحق المشوار والذهاب لها ام نيويورك تكفي وافضل منها وهل هناك مكان ريفي في احدى هذه الولايات
يستحق الزياره يعني فيه طبيعه خلابه وشلالات وناس بسيطه او لا
وكيف تقترحون اقسم الأيام بينهم بحيث اعطي كل ولايه حقها
وايش افضل الأماكن بكل ولاية
وهل الفيزا وجواز السفر يشترط اتقان اللغه الإنجليزيه لأن زوجي ماعنده لغة ابدا يادوب هاي ومااسمك بس واخاف مايعطونه فيزا عشان لغته
وانا لغتي كويسه بس مو بلبل لكن يعتبر مستواي فوق المتوسط
وسبق سافرنا للخارج ومشيت الوضع باللغه اللي عندي
وكم تكلفة الرحله لشخصين لمدة شهر هل 45 الف ريال سعودي الى 50 الف كافيه شاملة الطيران الداخلي والخارجي وكل شي
وكيف المواصلات هناك التاكسي افضل شي او ايش تنصحوني
وياليت تخبروني عن الأماكن الحضاريه والريفيه الجميله بكل ولايه ذكرتها
ومشكورين مسبقا
اللي عنده خبره يعطيني فضلا لاامرا شرح تفصيلي عن كل الأسئله اللي سألتها واذا انا نسيت شي ذكروني بليز