اهلين اخوي
اول شي اتمنى لك سفره موفقة باذن الله
نصيحة لك اخوي ماراح تلقى احد بيخطط لك من الالف الى الياء فانصحك انك تقراء كم تقرير عن سويسرا والنمسا والمانيا وبعدها تكون عندك فكره عن الاماكن اللي حبيتها او تبغى تزورها.
وبعد قراءة التقارير تكون عندك خلفية وتصور عام عن رحلتك فممكن انك تكتب للاخوان بقسم الاستفسارات مخططك المبدئي وتوضح مثلا مطار الوصول والمغادره وعدد الايام والميزانيه والمعلومات العامه عن رحلتكم وبعدين ممكن تتناقش مع البقية هنا على مخططك المبدئي.
بس بالوضع كذا حتى اللي يبغى يساعدك انت ماعطيته فرصه
اتمنى ان الفكره وصلت وتأكد ان الجميع هنا مستعدين للابداء الاراء
اتمنى لك رحلة موفقة

وعليكم السلام .
الله يسهل امرك يارب .
اولا حدد التواريخ
وميزانيتك
واحجز تذاكرك
وبعدها نشوف لك تقسيم الايام والاماكن اللي تبغى زيارتها
ولاتنسى تحجز سيارة
والق نظرة على موضوع مطار جنيف
https://artravelers.com/p/re/566146
بالانتظار

وعلى فكرة لا تنسى تقرا المواضيع المثبته راح تفيدك كثيير

اهلين اخي في احد استفساراتي واجاب عليها الاخ Medo 77
اقرائها يمكن تستفيد منها الصراحه ماقصر
والله يعطيه الف الف عافيه
https://artravelers.com/p/re/785681

الله يجزاكم خير
المغادرة في 19/6/2013 والعودة 29/6/2013 ممكن اعدله بس اهم شي مو قبل 19/6
الميزانية في حدود 80 ألف للرحلة كاملة
بالنسبة للأماكن ما اعرف شي في سويسرا والرحلة مع عائلتي 2 شخص بالغ وطفلين 11 سنة و 5 سنوات
وجزاكم الله خير راح اطلع على المواضيع ان شاء الله
اخوي صالح ولا يهون الباقين الرابط ما يعمل

موجود تحت من مواضيعي ادخل عليه وشوف

mralwahbi
ليش ياعم 80000 الف والله الف فيها العالم كله اسمع يا الحبيب انا رايح بعد عشره ايام يوم 13 وحجلس في سويسرا اسبوع وفي باريس 3 ايام ولندن اسبوع كلها ماراح تكلف 40000 ريال ومعها شوبينق وهدايا

السلام عليكم ورحمة الله وبركاته ::
حياك الله اخوي ..الله يسهل لكم سفرتكم باذن الله .
تاريخ سفركم جميل ..ما شاء الله تبارك الرحمن .
اولا اخوي ..تحدد المخطط المقترح ..بافتراض ان المدة قصيرة ومعاك طفلين ..التنويع مطلوب فيه .
استئجار السيارة ..من وجهة نظري شي اساسي في سويسرا وخصوصا للاستمتاع بالارياف والطبيعة ..وترتاح من هم نقل الشنط في القطارات والباصات .
مع ان الامر راجع لك .
ولابد ان تعرف شروط استئجار السيارة ..وكيفة الحجز ..بالاضافة الى معرفة بعض الامور عن القيادة في اوروبا بشكل عام .
وايضا كيفية استعمال خرائط الملاحة .
==
الوصول الى جنيف والمغادرة من جنيف .
جنيف يوم واحد يوم الوصول ..وممكن استئجار السيارة والسكن في لوزان لمدة يوم واحد .
انترلكن خمسة ايام
اليوروب بارك مدينة الالعاب يومين
جنيف والريف الفرنسي يومين .
====
الفنادق بوكنج تجد فيه جميع الخيارات المتاحة ..وممكن تشوف اللي يعجبك .
===
انت حدد المدن المراد السكن فيها + وسيلة التنقل ..هل هي قطارات ولا بالسيارة ...بعد كذا امور الانشطة بسيطة ..لا تشيل همها.
شوف حجوزات التذاكر من والى جنيف من مدينتكم وكم اسعارها ...والوقت المناسب لكم .
رتب امورك وتوكل على الله ..واذا احتجت شي نحن حاضرين .
هذه مواضيع انصحك بالاطلاع عليها :
https://artravelers.com/p/re/51030">https://artravelers.com/p/re/51030
,هذا موضوع للاحداثيات والاماكن المهمة :
عالم من الاحداثيات ..سويسرا وما جاورها https://artravelers.com
=============================================
وفي انتظارك اخوي

saleh 1
مشكور على الدعاية ههه
الله يعافيك والشر ما يجيك .
بس اخوي صالح ..اطلعت على الموضوع ..ولكن ما ذكرت لنا في اي شهر راح تسافر ان شاء الله .
لأن لا يكون قبل 20 ابريل..لأن بعض الانشطة تكون مقفلة .
فيبقى نراجعها مع بعض افضل ...في موضوعك الاصلي اللي نزلت فيه الاستفسار.
وبالتوفيق
وعذرا يا صاحب الموضوع على المداخلة في موضوعك .