6 شاهدو الموضوع ولا واحد رد علي

السلام عليكم
جميع الاسئله تم الاجابه عليها العديد من المرات من قبل استخدمي البحث في المنتدى و زوري المواضيع لو ما لقيتي الاجابات حاضرين

أولا بالنسبة للاوكسفورد .. هذا مصيبتنا احنا يالشباب وجنة زوجاتنا وأهالينا طبعا والمحلات اللي فيه سيلفردج وبريمارك وهاوس اوف فوستر وانتم ماشين .. لا هو ولا التفرعات اللي منه مثل بوند ستريت .. والريجنت ستريت .. ونهايته على البيكاديللي .. هذي كلها ممكن تروحونها مشي ..
ما راح تزهقين فيه .. انا انصح انك تدخلين على موضوع اختنا كويتية موسوعتي الخاصه للندن https://artravelers.com/p/re/511300 متروس معلومات عن فنادق و اماكن تسوق واماكن تمشية ..
بالنسبة للتنقل .. انا انصح ببطاقة اسمها اويستر كارد Oyster تنباع في المترو .. قيمتها 5 باوند فاضية .. وتشحنينها حسب احتياجك .. احنا شحناها اذا ما ني غلطان ب 22 باوند .. فري باس اسبوع كامل للمترو والباص .. اركب اي باص ومترو على كيفي .. طبعا بحدود زون 1 و 2 Zone 1 ,2.. واللي ما راح تحتاجون غيرها صراحة ..
اعرفي المترو القريب من الوجهة حقتك وانزلي عنده .. بس في مقولة عند اللندنيين نفسهم .. اللي يبي يشوف لندن .. يركب الباص .. هو ونيس بس احيانا يكون مزحوم او الخط زحمة بس يستاهل .. وهو يبيله معرفة خط الباص عن طريق محطة توقف الباص اللي بكل مكان .. ويكون موجود خريطة بمسار الباصات ورقمها اللي تمر بالمحطة .. انتي اعرفي بس الرقم وانتظريه .. بعض المحطات ما تروح لبعض الأماكن .. فيمكن انك تسألين سواق الباص كيف اروح المكان الفلاني وهو بيقولك المحطة اللي توديه .. المترو أسهل لكن الباص اذا فهمتيه يصير سهل ..
تحتاجين اذا رحتي اي مترو تاخذين خريطة المترو معاك وتعرفين الوجهة النهائية وبالراحة تعرفين الوصول واذا في محطة تبديل .. أو بالباص اذا تبين تشوفين العالم ولا تخشين في الزحمة وانت اول مرة تركبين كذا يمكن ما تحبين او تحسين مو مريح .. يبقى خيار التاكسي ولكنه اغلى طبعا .. المشاوير في لندن قريبة ما تعدي ال 10 باوند .. لكن 10 رايح و 10 جاي يمكن مرتين يوميا .. ترا حسبة تخلينها في التسوق او الاكل احسن ..
التنقل لمتحف الشمع .. عن طريق المترو من محطة Bond street الي على الاكسفورد على طول وقفة وحدة على محطة Baker Street .. واذا خلصتوا ترا وراكم الريجنت بارك مكان روعة حديقة تشرح النفس تريحون وتغيرون جو ..
وممكن بالباص برضو .. واللي فيه حيل شوي تراه قريب من اكسفورد اللي يبي يمشي في الوكسفورد تدخلين من اللفة اللي بين ماركس سبنسر و سلفردجز و سيدة الى شارع كبير بالعرض اسمه Marylebone road.. لفوا يمين ويجي على يساركم مبنى قبة خضراء..
التنقل لبيق بن و البارلمان وعين لندن .. عن طريق المترو من محطة bond street الخط الرمادي الى محطة Westminister تطلعون وبيق بين والبارلمان قدامكم .. وتشوفون عين لندن الجهة الثانية تعبرون الجسر وتوصلون لها ..وممكن بالباص ..
بالنسبة للاوت لت فيليج بليستر .. الظاهر انه مشروح في اللنك اللي فوق حق اختنا كويتية وكيف تروحين له وكل شي ..
واللي يوفقكم وانا متأكد انكم بتستانسون .. دعواتكم ..

مشكوره اختي اكويتيه
مشكور اخوي 3asim ماقصرت كفيت ووفيت الله يجزااك خير

بس انا خايفه اني ماعرف استخدم المترو والباصات اول شي اللغه يعني ماني بالبل بالانقلش بس حابه استكشف لندن حق
وابي الخرايط من وين اخذهم والاحين كل مكان له اسم محطه غير اشلون راح اعرف مثلا المكان الي ابيه واسم محطته يعني كاتبين بالخريطه مثلا بق بن محطته راح تكون ::::::
اسفه طولت عليكم بس لاتلوموني وايد احاتي *

ابي احد يرد علي

ابي رايكم انا مفكره ان ثاني يوم من اوصل لندن اروح الصبح حق متحف الشمع لندن اي بس يمديني اروح حق المكانين في نفس اليوم وهل لندن اي بعيده عن متحف الشمع و متي اوقات عملهم واذا بروح بالباص رقم جم اذا انا كنت في الاكسفورد واذا بالاندر اقراوند راح يكون اتجاهي واحدي يعني متحف الشمع ولندن اي في نفس الطريق

عيوني لندن متروسة عرب .. ما راح تضيعين ان شاء الله
واكيد انك راح تسألين يا اختي لو تهتي لا سمح الله
وعلى اية حال خارطة بريطانيا مفصلة حسب خطوط المترو عندهم، وموجودة بالنت اعملي بحث، وستجدينها من الاخوة اكرمهم الله مفصلينها تفصيل، واغلب الاماكن السياحية ماشية على خطين.. ابد ابد ما راح تتعبين، ولكنك قلقة لانها اول مرة، توكلي على الله
ولما تنزلين بلندن ستجدينها في المحطات وطبعا هي مجانية فخليها عندك واحتفظي فيها
اتمنى لك سفرة سعيدة

مشكوره اختي الشيخه هلا ماقصرتي