In love with LONDON
26-09-2022 - 11:45 pm
بسم الله الرحمن الرحيم ..السلام عليكم ورحمة الله وبركاته .
انا من متابعين العرب المسافرون دائماً لكن بدون ما اسجل
ف الحين يوم حصل لنا سفره ولله الحمد سجلت بهالموقع الجميل
احنا ان شاء الله رايحين لندن في تاريخ 18 اغسطس يعني راح نروح ليلة العيد او نصوم يوم هناك في لندن ,المقرر ان شاء الله نقعد 25 يوم بالكثير
عدد الاشخاص : الام والاب و بنت 14 سنه وولد 13 سنه وولد 7 سنوات وبنت 6 سنوات
نبي ترتيب كامل للرحله
بحيث ان نزور جميع المناطق الريفيه الجميله
لكن المتاحف مانحبها ف مانبي جدول فيه متاحف
نبي طبيعه تسوق راحه يعني هذا الهدف من الرحله
لان حصلت معلومات عن الاسواق وعن الطبيعه لكن معلومات غير كافيه بالنسبه لي
م وايه انا راح اكون هناك في ايام عيد يعني وين الااماكن الحلوه الي تحسسنا باجواء العيد
ابي شخص مجرب يدلني على افضل جدول + افضل فندق بالنسبه للعددنا والمهم يكون سعر مناسب
لان ابي اقضي احلى 25 يوم في مدينة الضباب
وبخصوص الفيزا رحت للسفاره البريطانيه فالخبر عطوني المعلومات اللي طالبينها
لكن قالوا لازم تحجز لك موعد عن طريق النت ! وانا صراحه ما اعرف
وقلت بخلي مكتب يسوي لي الفيزه لكن راح ياخذ على كل جواز 400 ريال له هو بس!!
يعني حرام ياخذها وانا ممكن اسويها ببلاش !
واتمنى احد يعلمني كيف اخذ موعد عن طريق النت
واتمنى احد يجيب عن استفساراتي .. وبكون لكم شاكر
