فى بانكوك عندك الماريوت فندق 5 نجوم ونظيف ومحترم وفى منطقه العرب
اما الاسواق كثيره وانا ما اعرفها بس عندك سوق الليل (بات بونق) هذا تحصل فيه البضاعه التقليد
وان شاء الله يفيدونك الاعضاء بالاسواق الى فى بانكوك

نصيحتي لك أخوي لا تطب سوق الباتبونك ولا تقرب حوله
أولا غالي وحرامية وتقليدهم ماهو ذاك الدرجة
ثانيا تشوف شي ما يرضيك ولا يسرك وينكد عليك رحلتك
ثالثا: البضائع المقلدة تجدها في كل مكان
رايعا انصحك تروح لمحلات البضائع المقلدة في سوق العرب في نانا رود قرب فندق قريس
مثل محلات فريدة علي -- جاكي -- وردة -- ليلى -- حفيظ -- ابو داوود
وكل واحد له بضاعه واسعار مختلفة ((يعني خذ لك لفة بعدين قرر))
حتى مركز mbk فيه تقليد خصوصا الشنط
وأما الأسواق
أغلب بضايعهم متشابهة
وأنا أفضل mbk
وبازار سن لوم نايت بازار
هذي السوقين سبيلك على الأقل ثلاث -اربع أيام الى ان تخلصها
وأما الفنادق وش حدود ميزانيتك ((بالعربي كم تدفع)) فالأسعار تتراوح من 150-إلى 600 ريال سعودي
ولعلمك فنادق 150 ريال جدا مقبولة ثلاث نجوم شامل الافطار لشخصين
وأنا أفضل بعض المناطق للسكن مثل منطقة mbk
أو السكن في فندق بايوك سكاي بحدود 220 ريال حوله عدة مراكز ((أطول برج في تايلند))
أو منطقة العرب
ورحلة سعيدة وترجعون بالسلامة
وحنا حاضرين

راجع هالموضوع (كامل) راح تجد اللي يفيدك
ذكرت فيه أشياء أعجبتني وأشياء حذرت منها وكل هذا من خلال تجربة ((توني راجع من هناك))
ولا تعدو وجهة نظر وانت اذا رحت ربما تقيم الامور تقييم مختلف
فمثلا قبل أروح قريت لواحد يقول أول ما تصل المطار وتركب تكاسي لا يوديك مع الطريق السريع ((بسبب أن هناك ضريبة)) وأخذت بنصيحته وأكلنا هوا في الزحمة فلو كنت أعرف لذهبت بالسريع ودفعت الضريبة دبل لأنها باختصار ماتتجاوز 30 بات يعني 3 ريال وتريح بالك
والله يوفق الجميع
https://artravelers.com

ثانيا تشوف شي ما يرضيك ولا يسرك وينكد عليك رحلتك ..احسنت اخى فعلا اشياء محرمة ومخلة بالاداب وذا تبى نصيحة من القلب الى القلب لاتروح تايلند بالمرة لاسيما وانت معاك اهلك ... واستخير

كردت
كلام سليم
جرب ماليزيا
أو جنوب الهند روعة
بسبب قلة السياح والاسعار بلاش
وإذا تبي معلومات عنها تراني حاضر

الله يعطيكم العافيه ماقصرتوا ولا هنتم
بس الظاهر بروح بروحي واقيس المكان يصلح ولا لا لانكم عارفين البلد ووضعها والاحراجات من المناظر
وبالنسبه لافضل فندق ابي اسكن فندق نظيف ومافي ازعاج وعوار راس والحمدلله الميزانيه ميه ميه
وشكلي بروح اربع ايام وبرجع كل المحلات العربيه المعروف بفرها بيومين وبرجع
فمان الله