سماء المدينة
02-04-2022 - 10:40 pm
السلام على جميع الاخوه الكرام في هذا المنتدى الرائع
بغيت منكم تفزعون وتساعدوني في تخطيط رحلتي لسويسرا لانها اول مره اروح لها
حنا ياطويلين العمر رايحين باريس اسبوعين
خلال هالاسبوعين مفكرين نطلع لسويسرا لمده ثلاث او اربع ايام من تاريخ 1 اغسطس الى 3 او 4 اغسطس ركزو معي وتحملوني لان اسالتي كثيره
1- وش احسن وسيله للذهاب القطار ام نستاجر سياره
2- رايكم نروح بالقطار ونستاجر سياره هناك ؟؟؟؟
3- هل وقت سفرتنا يوافق كرنفال جنيف لاني عجزت القى تاريخ محدد لمهرجانهم
4- ابيكم الله يسلمكن تعطوني جدول لهالرحله القصيره والسريعه وش تقترحون علي من ناحيه السكن ؟
وش المدن الي تنصحون بزيارتها
ابقولكم عن بعض المدن الي من خلال قرائتي عنها اتمنى زيارتها
مونترو - انترلاكن - لوزان
كيف ترتيب زياره هالمدن وهل ممككن اسكن بجنيف وامرهم بالسياره والا اسكن في احد هالمدن افضل
اخيرا
بما انها اول زياره فمالي خبره في الفنادق ممكن ترشحون لي فنادق لو نجمتين بس تكون نظيفه وماتتعدى 100 يورو لاننا اربع اشخاص وبناخذ غرفتين وعموما كل الي معي بالرحله مبدأهم نوفر قروش الفندق للتسوق
شكرا جزيلا مقدما
(2) رايي انك تروحون بالقطار..ولما توصلون هناك تقطعون السويس باس ل4 ايام..
(3) وقت سفركم بالضبط مع كرنفال جنيف
(4) اول ماتوصلون جنيف قطعو السويس باس ل4 ايام..وتجولوا في جنيف وتمشوا على البحيره..واليوم الثاني مونترو (ساعه بالقطار) وارجع جنيف عالمغرب..اليوم الثالث..انترلاكن 3 ساعات تقريبا بالقطاار..وزور شلالات قس باخ..وخذ جوله في انترلاكن وتغده هناك..اليوم الرابع تقدر تروح لوزان مدتها نص ساعه بس بالقطار...
وطبعا داام عند السويس باس كل هالرحلات من غير ماتدفع شي او حتى توقف بطوابير الانتظار لقطع التذاكر..
دام معنك اي خلاف من ناحية الفندق..اقترح عليك فندق hotel drake موقعه حلو..وقريبب من البحيره..بس انا خبري فيه انه مو مكيف..بس بعض الاعضاء يقولون انه كيفوه..والله اعلم... وسعره في حدود ال100 يوورو تقريبا..
تحيااتي لك