انا افضل انك تطلعي على تقرير الاعضاء الكرام اول وراح يوفر عليكم الكثير
وبعدين افضل انك تروحي لاس فيقس اول وبعدين سان فرانسيسكو
https://artravelers.com/p/re/292781

ساعدوني لاني ضايعة ..

رحلتكم نفس رحلتنا على نفس الخطوط بس حنا رايحين نيويورك
عموما شوفي تقارير الاعضاء في التقارير المصور ه كثير تقارير عن كاليفورنيا
بالنسبه للتنقل انا افضل انكم تستأجرون سياره وتتنقلون فيها افضل

اختي غيري في ترتيب المدن عشان تكون الرحلة ميسره بمعنى انكم توصلون لوس انجلوس وبعدها بالسياره تروحون لاس فيغاس .. تسلمون السياره وتقضون ايامكم هناك وبعدها تتوجهون عبر طيران داخلي الى سان فرانسسكو ومنها العوده الى دبي لان الاماراتيه تقلع من سان فرانسسكو فا بيكون هالتخطيط برأيي مريح ...
بالنسبة للفنادق افضل شي انج تبحثين على الفنادق بنفسج لان كل شخص وله رأيي بإختيار الفندق المناسب فا من وجهة نظري انج تدخلين على هالموقع http://www.tripadvisor.com/ وهذا موقع خاص بتقييم الفنادق اللي في امريكا والعالم وبكل صفحه خاصه بأي فندق تلقين تعليقات الناس سواء كان الفندق حلو او لا بالإضافة انهم حاطين صور وفيديو عن الفندق فاراح تاخذين فكره وافيه وكافيه عن الفنادق اللي بتختارينها ..
حنا اللي علينا نقولج وين احسن المناطق اللي يفضل انكم تسكنون فيها وبما انكم رايحين ثلاث مدن اقترح عليكم السكن في لوس انجلوس في -- بيرفلي هيلز او سانتا مونيكا او وبست وود او ويست هوليوود وطبعا الفنادق بهالمناطق غاليه شوي , اذا تبون اسعار حلوه تلقونها في جنوب المدينه او بالاصح الضواحي الجنوبيه مثل اناهيم او ارفاين او سانتا انا بس المشكله ان بين هالضواحي وشمال المدينه مسافة لاتقل عن ساعه ومعروفة لوس انجلوس زحمه فا الافضل انكم تقسمون المدينه الى قسمين ..
لاس فيقاس الفناقد الحلوه على شارع اسمه ستريب وراح تلقون اسعار رخيصه على هالشارع مقارنه بفخامة الفنادق
سان فرانسسكو احرصو انكم تسكنون في منطقة اليونون سكوير وهي تقريبا في وسط المدينه وراح تلقون فنادق متوسطة الاسعار
اي سؤال حنا حاضرين

هلا بالسديراوية انتي قدها ان شاء الله ..و مثل ما قالو الاخوان والاخوات راجعي التقارير المصورة وراح تستفيدي منهم ان شاء الله وانا مع راي اختي امونة خلو كل تنقلاتهم بالمدن بالسيارة احسن واوفر لكم وكذلك بالنسبة لاسفيقس روحو بالسيارة الطريق مريح والزمن 5 ساعات تقريبا بس صحراوي يعني طريق الرياض المجمعه احسن منة واوسع صدر وبعدين اطلعو من لاس فيقس بالطيارة الى سان فرانسسكو وسكنو باليونون سكوير ومنها الى دبي واذا انتم قررتو ترجعون الى لوس انجلس استاجرو سيارة وسلموها بمطار لوس انجلس وخذو الطريق الساحلي من سان فرانسسكو روعة ... الله يوفقكم ان شاء الله

رحلة موفقة ان شاء الله انا حاجز على هذا الفندق ادخلي موقعهم و شوفية اسعاره زينة و اربع نجوم و في الداون تاون
بس فيه عيب اذا حجزتو ما يمديكم تلغون الحجز على طول المبلغ يخصم يعني الفلوس غير مسترده
http://www.millenniumhotels.com/millenniumlosangeles/index.html

مرة شكرا على ردودكم الحلوة ...
ابي فندق حلو في الينيون سكوير في سان فرانسيسكو .. و تكفيها 4 ايام ..او اكثر ,,,
و حابة اروح لسان فرانسيسكو من لاس فيقاس بالسيارة يصير ؟؟؟؟؟؟؟؟؟
يعني راح يكوون خط السير ... لوس انجلوس ثم لاس فيجاس ثم سان فرانسيسكو ثم العودة الى لوس انجلوس ..كلها بالسيارة .؟؟؟؟؟؟؟؟؟؟

هلا بك ...
في اليونيون سكوير أرشح لك جراند حياة ... ممتاز جداً .. و 4 ايام تكفيها ..
http://grandsanfrancisco.hyatt.com/hyatt/hotels/index.jsp
ما يصير انكم تروحون من سان فرانسيسكو لفيغاس المسافه طويله جداً .. ولو كله بالسياره
ضاعت عليكم الأيام بتنقل ..
مثل ما قال أخوي stranger man خلصوا من لوس انجلوس ومنها بسياره 4 ساعات فيغاس ومنها بالطياره سان فرانسيسكو .. والعوده لدبي منها او ارجعوا على لوس انجلوس .
رحله موفقه .