طبعًا أنا مثلك أول مره بطلع للندن نهاية الاسبوع ان شاء الله ، لكن اللي أتوقعه مناسب إنك تصرف لك مبلغ بسيط مثلا ميتين أو مية وخمسين باوند والباقي بطاقة الراجحي إن شاء الله تقوم بالواجب ، وإذا تبي نصيحتي سو مثل ماسويت أنا ، رح للراجحي وطلع من عندهم فيزا انسان .. هذي فيزا مسبقة الدفع ورسومها السنوية 100 ريال بس .. طبعا تجيك فاضيه مافيها شي وانت تحول لها عن طريق مباشر أو الهاتف المصرفي تحول المبلغ اللي تبي وتستخدمه شراء عن طريق النت وكل استخدامات الفيزا العادية .. لأني أتوقع زي لندن يحتاج يكون معاك فيزا هناك .
ونصيحة بخصوص الأوضاع المادية من وجهة نظري يجب تطبيقه في كل سفرة ، أنا أسويها بكل مره أسافر .. ((لا تجمع البيض في سلة واحدة)) بالنسبة لفلوسك إذا عندك حساب في كذا بنك من رأيي إنك توزع مبلغ السفرة على كل الحسابات وزيادة مبلغ احتياطي لو لا قدر الله صار شي ..
يعني مثلا انت محدد مصروف للرحلة 20000 ريال وعندك حسابات بأربع بنوك وبطاقاتها سارية الصلاحية وزع ال20000 ريال على حساباتك بحيث يكون كل حساب فيه 5000 ريال ، ومايمنع تاخذ مبلغ يعادل 25% من ميزانيتك لأي ظرف طارئ يكون موجود .
وموفق خير يارب ..

اصرف نص الكاش من الرياض الى باوند وحاول تخلي اكبر عمله 50 لان اكثر المحلات ترفض ال 100
وبطاقة الراجحي انشالله تشتغل على البنوك اللي تحمل الشعار المشترك ولكن خلي معك بطاقه من بنك ثاني لو ماضبطت تحول المبلغ من بنك الى بنك اون لاين وتسحب

اللي اعرفه لاتوجد عمله 100 باوند.

حتى انا ما قد شفت ال100 باوندز
اصرف لك مبلغ زين كاش .. ما اوافق الاخ اللي قال 100 200 لان قليل .. علي الاقل خل معاك كاش 500 او 1000 حتى ..
و الباقي مثل ما قالو الاخوان قسمهم ببطاقتين يا بطاقتين من بنكين مختلفين او بطاقه عاديه و بطاقه فيزا ..
علي فكره كثير فنادق و اماكن ما يقبلون البطاقه العاديه للبنوك ال Debit و لازم فيزا او كردت كارد يعني و صار معانا هالشي في فندق الانتر المره السابقه فانصحك مثل ما انصحك الاخ اذا ماعندك فيزا تطلع لك فيزا مسبقه الدفع و تحط فيها مبلغ

اجل شكله صار تضارب مع اليورو وال 100 اللي اتكلم عنها يورو

اخوي انصحك تخلي الاغلب كاش
ومايمنع تحط بالبطاقة ولكن افضل الكاش
بطاقة الراجحي تعمل لكن عقب الحادث اللي صار لنا صرت أخاف
اهم شي تكون بدايتك الراجحي الجديدة اللي تكون المعلومات في شفرة ذهبيه صغيره لان زوجي صارت له مشكلة وحصل اختلاس من حسابه وكان معاه بطاقة الراجحي النوع القديم من البطاقات اللي كانت سهله قراءة معلوماتها
على اخر يوم والحمد لله قريبا ليرجع المبلغ
بس الحذر واجب
اتمنى لك رحلة سعيدة وبالسلامة