حياك اللة اخى بدولتك الثانية الكويت:
1 / سؤالي عن بودل هل بودل ما زال نظيف مثل ما قريت في الانترنت والا مثل بعض الشقق اللي اول ما تفتتح تكون نظيفه وبعد سنه تكون متوسطه او سيئة ؟؟؟؟؟؟
اخى الكريم بالنسبة لبودل انا راى الشخصى نظيف جدا ولكن لايصلح للعوائل لانة قريب من المطاعم وهذا المكان اكثر
مرتادين هذا الشارع فى الليل من الشباب .2 /
انا سمعت ان بودل برجين او مبنيين وفيه واحد جديد هل هذا صحيح واذا كان صحيح وش تنصحوني فيه ؟؟؟؟
نعم برجين ولكن بنفس النظافة 3 /
النسبة للتحويل ( الفلوس ) هل هناك اماكن صرافه كثيرة في الكويت ؟ والا احول من السعوديه قبل امشي ؟؟؟؟؟؟؟؟
يوجد صرافين فى كل مكان لكن الافضل صرف من السعودية لانعم يقفلون فى الليل ولايجد لدينا خدمة 24 ساعة
4 / وكم المسافة من منفذ الرقعي الى بودل تقريباً؟؟!!
بالنسبة للمسافة تقريبا 1ونص .
اخى الكريم انا انصحك بالفنادق الفايف الستار الان عاملين فى شهر فبراير عروض على الغرف باسعار ممتازة انا ارشحلك
فندق كورت يارد مسوى خصومات الغرفة الدبل 45 دينار بالافطار اذا كنت تريد ساعطيك رقم مدير الفندق وتحجز عن طريقة
اذا كان السعر عالى اتمنى ان تشرح لى مقدرتك بالنقود وسارشحلك فندق بالمبلغ المطلوب

هلا اخوي الله يعطيك العافيه على تجاوبك معي لكن كورت غالي شوي خصوصا ان الغرفه صغيره علي انا وعائلتي
انا قابلت واحد وقال لي اترك عنك بودل ورح ل ريتز السالمية لانهم افخم من بودل والاسعار اغلى شي بسيط لكن سؤالي هل موقع ريتز السالمية ممتاز وهل فعلا هو افضل من بودل
خصوصا اني لقيت عرض عندهم جناح من غرفتين وصاله ب 60 دينار مع الافطار
انتظر ردودكم
سلملم

اولا حياكم الله بديرتكم الكويت
بالنسبة لبودل طبعا انا ماشفتهم بس سمعت انه يمدحونها و واحد من اهلنا قال انها موجودة حتى عندكم بالسعودية وهو سعودي يعني معروفه وبالنسبة للموقع بالعكس موقعها بالنسبة لي جدا حيوي يعني اذا احتجت اي شغله او اي مطعم باي وقت تقدر تطلبه بسهوله انا شخصيا اذا سافرت احب اسكن بالمناطق الحيوية ويهمني جدا الموقع يكون قريب من ما احتاجه ما احب اسكن بالاماكن البعيدة والمعزولة يعني سبحان الله احتجت شي الا كل شي قريب منك...اذا ماني غلطانه هي اللي تكون بشارع المطاعم عندنا وهالشارع غني عن التعريف
بالنسبة لمكاتب الصرافة فهي كثيرة ومتوفره وفي منها محلات معروفه ولها اكثر من فرع تقريبا بكل المناطق مثل المزيني والملا و....واذا بغيت خدمة 24 ساعة عندك الافرع اللي بالمطار انا من رايي توزع الفلوس يعني تصرف جزء وتخلي جزء واذا سبحان الله احتجت شي ترى خدمة الفيزا وغيرها متوفره تقريبا بجميع المحلات والمطاعم وحتى محلات الصرافه ايضا.
بالنسبة للمسافه اسأل لك فيها بس اذا عندك jps او القارمن أضمن بس بشكل عام مو وايد بعيدة
اتمنى اكون جاوبت على جميع استفساراتك
وحياكم الله

شكرا لمن شاركني
نصحني واحد في فندق بلازا اثيني وحجزت فيه
وش رايكم فيه ؟ وهل موقع ممتاز؟
تراني متحمس للكويت مره خصوصا هذي اول زيارة لها
وسؤال عن الطريق من منفذ الرقعي اذا دخلت امشي على طول الين تجيني الجهرا بس مع اي طريق اروح مع الدائري السادس والا الدائري الخامس
تحياتي للجميع
سلملم

اخى الحبيب اذا كنت تريد بلازا اتليلة اعرف مدير الفندق اقدر اعطيك رقمة وتحجز منة الفندق حلو انا داخل الفندق
حلو جدا موقع الشارع الى قبل البحر .
موقع فندق بلازا اتلية:
http://www.plazaatheneekuwait.com/

هلا اخوي بيت الكويتى
تسلم والله انا كلمت الفندق وعطوني رقم المدير وما قصر
لكن سؤالي الله لا يهينك هل موقع الفندق ممتاز
وهل يعتبر الفندق فخم و نظيف؟؟!!
وهل فيه خدمة الانترنت؟ وهل هي مجانية ؟
تحياتي لك يالغالي ازعجتك بالاسئلة

لا يفوتك السكن في السالمية

سلملم الرزين
اذا اردت الذهاب الى السالمية اخذ طريق الدائري الخامس
عموما الكويت ما تضيع وكل الطرق تؤدي الى روما بس الدائري الخامس يؤدي الى السالمية.

السلام عليكم الرجاء المساعده انا مسافر للكويت زياره وطلعلي كرت زياره بقدر اطلع على صوره الكرت وبالكويت اسلمو عند المطار والا شو اعمل