وعليكم السلام
مادام لا مجال لتغيير مدينة الوصول والمغادرة
يكون الجدول كالتالي كتخطيط أولي
فيينا 2
الذهاب لسازبورج ومنها تأخذوا تاكسي للبلدة الالمانية Freilassing
تبعد 7 ك
هذا لو حابين يكون تنقلكم بالسيارة
بعد آيجار السيارة الذهاب لزيلامسي
والجلوس فيها 6 ايام
ثم الذهاب لسازبروج والجلوس فيها 3 ايام
ثم تسليم السيارة في Freilassing والرجوع لفيينا
والجلوس فيها 3 ايام
ميونخ ممكن تروحوا لها
فينيسيا وباريس بعيده

هذا موضوع راح تستفيدي منه
https://artravelers.com/p/re/546116

هلا بك
فينا 3 ايام
سالزبورغ 3 يوم ومنها يوم لميونخ
زلامسي 4 ايام ومنها يوم لفينيسيا وحنب فندف نيو بوست مكتب سياحي يوديك ويرجعك نفس اليوم اعتقد الثلاثاء واياكم تروحون مع تكسي ترى العودة فيلم رعب لان الطريق حلو وجبال في الذهاب والعودة ظلام
ورحلة سعيدة

طيب ياليت تفيدوني بالسكن ابي شي سعرها معقول .. دخلت بوكنج وضعت ماعني اي خبرة اخاف اختار شي يكون بعيد او مكانه مو مناسب !!
فيينا ياليت سكن قريب من السنتر وابغى شقق في زيلامسي وسالزبورغ
ايش افضل في السكن في زيلامسي او كابرون ؟؟؟

مشكورين .. تعبتكم معاي
شوفي رحلتنا الثلاثا الساعة 3:55 صباحا الى القاهر نوصل الساعة 5:30 صباحا
من القاهره الي فيينا الساعة 10:45 صباحا نوصل 14:30 (2 ونص الظهر)
هذي التواقيت اللي في التذكرة .. وش فرق التوقيت يعني نوصل فينا الساعة كم بتوقيتهم ؟؟؟
يوم الثلاثا يمدينا نروح نتمشي فيه ؟؟
متي نروح لسالزبورغ الجمعه ؟؟ بمدينا ناخذ السيارة (من المدينة الالمانية )قبل السبت اجازتهم؟؟
شلون نحجز لسالزبورق بالقطار ؟؟ واول مانوصل نحجز او نفس اليوم من المحطة ؟؟
دخت مره وضيعتو دوختكم بس اخاف الحسبة تكون خطا علي ونتورط
,, طولوا بالكم علي شوي ..

اتوقع الافضل لك تاخذون السياره من فينا حتى لو فرقت مبلغ بسيط
افضل لكم من دوشه القطارات
خذو السياره اخر يوم لك في فينا وسلموها اول ماتوصلون فينا وعلى الفكره الفرق راح يكون اقل من قيمه تذاكر القطار ذهاب وعوده الى سالسبورق
وراح تستمتعون بالرحله من فينا الى سالسبورق او زيلامسي ممتعه جدا وامنه بس تحتاجون قارمن
الافضل يكون
ليلتين فينا
6 ليالي زيلامسي
3 سالسبورق ومنها تطلعون الى ميونخ زياره فقط
3 فينا
بالنسبه لفينسيا بعيده شوي عن زيلامسي حوالي اربع ساعات بالسياره
الافضل تروحو المدن الاقرب من زيلامسي lنسبورك تبعد حوالي 150 كيلو او قارمش الالمانيه
بالنسبه للوصول الى فينا راح يكون عندكم مجال تتمشون اذا ماكان فيكم نوم لان بالعاده المسافر اول مايوصل يكون تعبان وينام
وعلى فكره غروب الشمس تقريبا الساعه 8ونصف او تسع يعني معكم وقت طويل
والله يوفقكم
وحنا بالخدمه

فكره استئجار السياره من فينا اتوقع افضل واريح ..
طيب الليالي الاخير في فيينا ماودي فيها لانه خلاص اول الايام تمشينا فيها.. اخر يوم نروح لها علشان العودة
قارمش ماينفع نقعد فيها ليلتين؟؟